09:10, 19 - مامىر 2015 | GMT +5
شىعىس قىتايدا حايۋاناتتار باعى قىزمەتكەرىنە شابۋىل جاساعان ارىستاندى اتىپ تاستادى
استانا. قازاقپارات - بۇگىن قىتايدىڭ شىعىسىنداعى شاندۇڭ پروۆينتسياسىندا جىرتقىش اڭداردى ۇيرەتۋشىگە شابۋىل جاساپ، توردان شىعىپ كەتكەن ارىستاندى اتىپ تاستادى.
اتالعان ساياباق ورنالاسقان تايشان تاۋى تۋريستىك ايماعى اكىمشىلىگىنىڭ حابارلاۋىنشا، قايعىلى وقيعا تاڭعى ساعات 6:20-دا، ۇيرەتۋشىنىڭ ارىستان تۇراتىن تورعا تازالاۋ ءۇشىن كىرگەن ساتىندە بولعان.
جىرتقىش اڭ تالاعان قىزمەتكەر اۋرۋحانادا كوز جۇمدى.
تۋريستەردى توسىن قاۋىپتەن ساقتاۋ ءۇشىن قاشىپ شىققان ارىستاندى اتۋعا پوليسيا شاقىرىلدى. كەلەڭسىز جاعدايعا بايلانىستى تەكسەرۋ جۇمىستارى ءجۇرىپ جاتىر، دەپ حابارلايدى شينحۋا.
