08:32, 18 - مامىر 2015 | GMT +6
گيتارا جارتى ميلليون دوللارعا ساتىلدى
استانا. قازاقپارات - ا ق ش- تا وتكەن ءباسساۋدادا «Beatles» توبىنىڭ مۇشەسى دجوردج حارريسوننىڭ گيتاراسى ساتىلدى. ساتىپ الۋشى مۋزىكالىق اسپاپ ءۇشىن جارتى ميلليون دوللارعا جۋىق اقشا تولەدى،
دەپ جازادى «بي-بي-سي» اگەنتتىگى.
حارريسون 1963 - جىلى Mastersound فيرماسى شىعارعان بۇل گيتارادا توپتىڭ ايگىلى بولعان كەزىندە ويناعان. ول مۋزىكالىق اسپاپتى 1963 - جىلدىڭ جازىندا «Barratts» دۇكەنىندە جالعا الدى، سول كەزدە ءوزىنىڭ گيتاراسىن جوندەۋگە بەرگەن بولاتىن.
حارريسوننىڭ گيتاراسى نيۋ- يوركتە وتكەن ەكى اپتالىق «Hard Rock Cafe» ءباسساۋداسىنىڭ قورىتىندىلارى بويىنشا ساتىلعان ەڭ قىمبات زات بولدى.
باسقا لوتتاردىڭ اراسىندا ەلۆيس پرەسليدىڭ گاسترولدەرگە بارعان اۆتوبۋسى، سونداي- اق «روك- ن- رولل پاتشاسىنىڭ» قولدانىسىندا بولعان تاعى 150دەن استام زات بولدى. گاسترولدىك اۆتوبۋس 270 مىڭ دوللارعا ساتىلدى.
