جاس عالىمدار شايدىڭ ادام اعزاسىنا تيگىزەتىن اسەرىن زەرتتەۋدە
مۇنداي باسقوسۋلار جاستاردىڭ ءوزارا تاجىريبە الماسۋىنا وڭ ىقپال ەتەدى. عىلىمي زەرتتەۋگە 100دەن استام ادام اتسالىسقان. شايدىڭ قانداي سۇرپىن ءجيى پايدالانادى، تاۋلىگىنە قانشا رەت ىشەدى وسى ءتارىزدى ساۋالدارعا ستۋدەنتتەر جاۋاپ ىزدەپ، ونى سارالاپ، قورىتىندى جاساعان. «الدىمەن شايدى دۇرىس قايناتا ءبىلۋ دە ماڭىزدى»، - دەيدى ولار.
كاميلا ورازبايەۆا، ستۋدەنتتەر عىلىمي قوعامىنىڭ ءتورايىمى:
- شايدى شامادان تىس كوپ قولدانۋعا بولمايدى جانە شىعىمى قاتتى بولعانى دا زيان. سونداي- اق تاماقپەن بىرگە قولدانعان دا ءتيىمسىز دەگەن قورىتىندى جاسادىق. باۋىردىڭ ۇلگىسىن بيسەرلى مونشاقتاردان، كوزدى ماقتادان، باسقا دا ادام اعزالارىن پەنوپلاست ءتارىزدى بۇيىمداردان قولمەن جاساپ، ستۋدەنتتەر وزدەرىنىڭ شىعارماشىلىق ىزدەنىستەرىن كورمەگە قويدى.
بۇگىندە مارات وسپانوۆ اتىنداعى باتىس قازاقستان مەديتسينا ۋنيۆەرسيتەتىندە 45 عىلىمي ۇيىرمە جۇمىس ىستەيدى. ستۋدەنتتەردىڭ ۇزدىك جۇمىستارى جىل سايىن حالىقارالىق كونفەرەنتسيالارعا ۇسىنىلادى. وسى عىلىمي زەرتتەۋ جۇمىسىن العا قاراي دامىتۋ كەرەك دەپ ويلايمىز. بۇل شارا بىزدە ءار جىل سايىن ءداستۇرلى تۇردە وتەدى. بىزدە بۇل - 55-مەرەيتويلىق عىلىمي كونفەرەنسيا. بۇل فورۋم 300 دەن استام ستۋدەنتتىڭ باسىن قوستى. وعان ەلىمىزدىڭ مەديتسينالىق جوعارعى وقۋ ورىندارىمەن قاتار رەسەي، باشقۇرتستان جانە وزبەكستاننان وزىق ويلى جاستار قاتىسىپ وتىر. ولار بۇگىندە كەڭ تارالعان اۋرۋلاردىڭ الدىن الۋ جانە ەمدەۋدىڭ جاڭا يننوۆاتسيالىق تاسىلدەرى بويىنشا ىزدەنىستەرىن ورتاعا سالدى. ماسەلەن، وسى كونفەرەنسياعا قاتىسقان ۋفالىق جاستار عىلىمي جۇمىستارىن اقتوبەلىك ارىپتەستەرىمەن بىرلەسە جالعاستىرماق.
