17:09, 17 - مامىر 2015 | GMT +5
لارسەن مۇزدىعى جەر بەتىنەن جويىلىپ كەتۋى مۇمكىن
استانا. قازاقپارات - انتاركتيدا تۇبەگىندەگى لارسەن مۇزدىعى جەر بەتىنەن جويىلۋعا جاقىن. ەكولوگتاردىڭ مالىمدەۋىنشە، ول 5 جىلدان كەيىن تۇگەلىمەن ەرىپ، جوق بولىپ كەتۋى مۇمكىن.
سوڭعى زەرتتەۋلەرگە قاراعاندا ونىڭ كولەمى 1500 شارشى مەترگە كىشىرەيىپ كەتكەن.
قازىر مۇزدىقتاردىڭ مۇنداي قارقىنمەن ەرۋى تەڭىز دەڭگەيىنىڭ كوتەرىلۋىنە اكەپ سوعۋدا. ونىڭ سالدارى بۇكىل الەمگە تاياق بولىپ تيەدى، - دەيدى ماماندار. جەر شارىنىڭ ءبىر بولىگىن سۋ باسسا، ەندى ءبىر جەردە كەرىسىنشە، قۇرعاقشىلىق جايلاۋى مۇمكىن. جاھاندىق جىلىنۋ - وركەنيەتتىڭ كەرى اسەرى، جانار- جاعارماي گازىنىڭ اتموسفەراعا شىعارىلۋىنان پايدا بولعان قاۋىپ- قاتەر. سول سەبەپتى دە الەمدەگى 200 گە جۋىق ەل جىل سوڭىنا دەيىن ب ۇ ۇ- نىڭ كليمات وزگەرىسىمەن كۇرەسۋگە جونىندەگى قۇجاتتى تالقىلاۋعا كەلىستى.
