كلينتونداردىڭ تابىسى قانشا؟
كلينتونداردىڭ وتباسىلىق تابىسى تۋرالى مالىمەت جۇبايلاردىڭ فەدەرالدىق سايلاۋ كوميسسياسىنا وتكىزگەن قارجىلىق دەكلاراتسياسىنان كەيىن بەلگىلى بولدى.
سەبەبى بۇرىنعى ا ق ش پرەزيدەنتى بيلل كلينتوننىڭ ايەلى حيللاري كلينتون 2016-جىلعى پرەزيدەنت سايلاۋىنا ۇمىتكەر رەتىندە تىركەلگەنى بەلگىلى. وسىلايشا ول زاڭ بويىنشا ءوتىنىش بەرگەننەن كەيىنگى ءبىر اي ىشىندە تابىسىن راستاۋعا مىندەتتى.
2014-جىلدىڭ قاڭتار ايىنان وسى جىلدىڭ مامىرىنا دەيىنگى ارالىقتا قوس كلينتون جۇرتشىلىق الدىندا ءسوز سويلەۋ جانە جوعارعى وقۋ ورىندارىندا دارىستەر وقۋ ارقىلى 25 ميلليون دوللار تابىسقا كەنەلگەن.
بۇل ءىستى اسىرەسە بيلل كلينتون بۇرىننان ماشىق ەتكەن. سونداي-اق حيللاري حانىم بولسا بىلتىر جارىق كورگەن «كۇردەلى تاڭداۋ» اتتى كىتابىنان 5 ميلليون دوللار قالاماقى تاۋىپتى. ال بۇعان دەيىن بەلگىلى بولعانداي قازىرگى پرەزيدەنت باراك وباما مەن ونىڭ جارى ءوز تابىستارىن 1,9-6,9 ميلليون دوللارعا باعالاعان ەدى.
اۆتورى: جىگەر سارسەن
www.24.kz
