بايقوڭىردا مەكسيكالىق سپۋتنيكتى وربيتاعا شىعارۋ كەزىندە شتاتتان تىس جاعداي ورىن الدى
«پروتون- م» زىمىران-تاسىعىشىنىڭ بايقوڭىردان ۇشىرىلۋىنىڭ تىكەلەي كورسەتىلىمىن «جەرۇستى عارىشتىق ينفراقۇرىلىمى نىساندارىن پايدالانۋ ورتالىعى» ف م ۋ ك قامتاماسىز ەتتى. عالامتور جەلىسىنىڭ بارلىق پايدالانۋشىلارى http://www.federalspace.ru/317/ سايتىنان ستارتقا دەيىنگى ەكى ساعاتتىڭ ىشىندە عارىشتىق زىمىراندى دايارلاۋدىڭ سوڭعى ءىس-قيمىلدارىن جانە ونىڭ ۇشىرىلۋىن تىكەلەي ەفيردەن تاماشالادى.
عارىش اپپاراتىنىڭ ۇدەتۋ بلوگىنان اجىراۋى ۇشىرىلعاننان كەيىن 10 مينۋتتان سوڭ جوسپارلانعان.
الايدا 420- سەكۋندتا شتاتتان تىس جاعداي ورىن العانى تۋرالى حابارلانىپ، رەپورتاج اياقتالدى.
ەستەرىڭىزگە سالا كەتەيىك، «مەكسات-1» مەكسيكالىق بايلانىس سەرىگى بار «پروتون- م» زىمىران-تاسىعىشىن ۇشىرۋ اۋەلدە 2015-جىلعى 29- ساۋىرگە جوسپارلانىپ، تاپسىرىس بەرۋشىنىڭ ءوتىنىشى بويىنشا كەيىنگى مەرزىمگە ىسىرىلعان بولاتىن.
روس عارىشتىڭ باسپا ءسوز قىزمەتىنىڭ اقپاراتىنشا، سپۋتنيكتى دايىنداپ شىعارۋشى - «بوينگ» كومپانياسىنا بورتتاعى اپپاراتۋرانى تەكسەرۋ ءۇشىن قوسىمشا ۋاقىت قاجەت بولعان.
