ايقىن تولەپبەرگەن قىتايعا دەگەن ساعىنىشىن باسا الماي ءجۇر

استانا. قازاقپارات - جاقىندا اسپان استى ەلىندە تۇراتىن وتانداستارىمىزعا كونسەرت بەرىپ كەلگەن ايقىن تولەپبەرگەن قىتايعا دەگەن ساعىنىشىن باسا الماي جۇرگەن سياقتى.

وسىدان ءبىر اپتا بۇرىن قازاقتار ءۇشىن بەيجىڭدە العاش رەت (مەرەكەلىك شارالاردى قوسپاعاندا) كونسەرت ۇيىمداستىرىلدى. سول كەشتە ونەرىن كورسەتىپ، كورەرمەندەردىڭ ىستىق ىقىلاسىنا بولەنگەن ايقىن ولارعا دەگەن العىسىن ءبىلدىرىپ، العان اسەرى تۋرالى ينستاگرامدا بولىسكەن بولاتىن.

 قىتايدىڭ بىرنەشە قالاسىنا تابان تىرەگەن ونەر يەسى « مەن» دەگەن ورىندارعا باس سۇعىپ، ەرەكشە عيماراتتاردى ارالاعان. قىتايدىڭ قىزىقتى جەرلەرى ايقىندى وزىنە باۋراپ العان بولۋ كەرەك، ونەر يەسى ءاربىر باسقان قادامىن سۋرەتكە تۇسىرۋدەن شارشاماعان. ەڭ قىزىعى، ايقىن ەندى قىتايدىڭ « ۆەيبو» سايتىنا تىركەلىپ، رەسمي پاراقشاسىن اشىپ ۇلگەرىپتى. تۆيتتەرگە ۇقساس الەۋمەتتىك جەلىگە تىركەلۋىنىڭ سەبەبى، سول جاقتاعى قازاقتارعا اقپارات بەرۋ ماقساتىندا بولۋ كەرەك. الايدا، جەلىدەگى دوستارى ايقىننىڭ بار ويى قىتاي بولىپ كەتىپتى، سول جاقتىڭ ازاماتى بولعىسى كەلىپ ءجۇر- اۋ دەگەن پىكىرلەر قالدىرعان.

comode.kz