بابالار ءسوزى: اقشوقى اتاۋىنىڭ شىعۋى
بۇل جوبا اياسىندا «بابالار ءسوزى»، «قازاق حاندارى»، «ەجەلگى قالالار تاريحى»، «حالىق قازىناسى» قاتارلى جاڭا ايدارلار اشىلدى.
«بابالار ءسوزى» ايدارى نەگىزىنە «مادەني مۇرا» باعدارلاماسى اياسىندا شىققان 100 تومدىق اۋىز ادەبيەتىنىڭ جىر-تولعاۋلارى، قيسسا-داستاندار، ءسوز ۇستاعان شەشەندەر مەن بيلەرىمىزدەن قالعان ناقىلدار، تاريحي جادىگەرلەر الىندى. «قازاق حاندارى» ايدارىندا تاريحىمىزدا ەلىنە قورعان بولعان حانداردىڭ ءومىرى تۋرالى دەرەكتەر بەرىلەدى.
ال «ەجەلگى قالالار تاريحى» ايدارىنا قازاق دالاسىنداعى وركەنيەتتىڭ ورداسى بولعان كونە قالالاردىڭ تاريحى تۋرالى جازبالار جاريالانادى. «حالىق قازىناسى» ايدارى بويىنشا، قازاقستانداعى تاريحي، مادەني ەسكەرتكىشتەر، قازاق حالقىنىڭ سالت-داستۇرلەرى، قولونەر، قارۋ-جاراقتارى تۋرالى ماعلۇماتتار بەرىلمەك. جوبا ماتەريالدارى قازاق تىلىندە (قازاقشا جانە توتە جازۋمەن) اگەنتتىك سايتىندا جاريالانادى.
***
ءبىر جىلدارى ءبىر داۋلەتتى ەلدە جۇت بولىپتى. جازى قۋاڭشىلىق بولىپ، جاڭبىر جاۋماي، قىستان كوتەرەم شىققان مالدىڭ جاي-كۇيى جايسىزدىققا ۇلاسىپتى.
كوپشىلىك باس قوسىپ، مال-جاندى امان ساقتاۋ ءۇشىن بۇل جەردەن قونىس اۋدارا كوشۋ كەرەك دەگەن ۇيعارىمعا كەلەدى. ءسويتىپ، جەر اۋا كوشكەن جۇرت جايلى مەكەن جولىققانشا جۇرە بەرىپتى دەيدى.
ءبىر ۋاقىتتاردا كوپشىلىكتىڭ ىشىنەن بىرەۋى:
- اناۋ تۇرعان شوقىنى كوردىڭدەر مە، سول جەرگە بارىپ، قونىستانىپ كورسەك. مالعا جايلى بولسا، مەكەن ەتەرمىز، جايسىز بولسا تاعى دا كوشەرمىز، - دەگەن ۇسىنىس ايتادى.
ءباتۋاعا كەلگەن كوش سول جەرگە بارىپ ورىن تەبەدى. شالعىنى مول، ءشوبى بىتىك، اعىپ جاتقان وزەنى بار جايلى مەكەن مالعا جاعىمدى بولىپ تەز كوتەرىلەدى. ءبىر جىل قونىستانىپ شىققاننان كەيىن ءتول ەگىزدەن بولىپ، جاڭاعى جەردىڭ قۇتتى مەكەن ەكەندىگى بايقالادى.
ريزا بولعان حالىق:
- شوقىم، شوقى-اق ەكەن. جارايسىڭ، - دەدى. سونان جاڭاعى بيىكتىڭ اتى «اقشوقى» اتالىپ كەتىپتى.
