02:53, 17 - مامىر 2015 | GMT +5
دۋباي سۋ استىنان تەننيس كورتىن سالماق
استانا. قازاقپارات - اراب جەرىندە سۋ استىنداعى قوناق ءۇي مەن ۆيللالار سالۋ يدەياسىنان وزگە كوك ايدىننىڭ تۇنىعىندا تەننيس كورتىن تۇرعىزۋ جوسپارلانۋدا، دەپ حابارلادى www.24.kz.
بۇل جوبانى پولشالىق ارحيتەكتور ءارى 8+8 Concept Studio كومپانياسىنىڭ يەسى كرزىستوف كوتالا العا تارتقان ەكەن. قازىرگى ۋاقىتتا ساۋلەتشى وسى ويىن ىسكە اسىرۋ ءۇشىن ينۆەستورلار ىزدەپ جاتقان كورىنەدى، دەپ جازادى newsru.com.
ونىڭ ايتۋىنشا، مۇنداي نىسانداردىڭ سالىنۋى تۋريستەردىڭ اعىلۋىن ارتتىرىپ، سول ارقىلى مول قارجىلىق تابىس كەلتىرەدى. ەگەر تۇرعىزىلعان جاعدايدا، سۋ استىنداعى تەننيس كورتى سپورتتىق سايىستار ءۇشىن قولدانىلاتىن 7 زالى بار زاماناۋي سپورت كەشەنى بولماق. تەننيس كورتىن سالۋ ءۇشىن جەتىك تەحنولوگيالار مەن نانوتسەمەنت جانە كومىرتەكتى اينەك سەكىلدى ەكولوگيالىق تازا ماتەريالدار قولدانىلادى.
