15:46, 16 - مامىر 2015 | GMT +5
اقتوبەدە «مەرەيلى وتباسى» ۇلتتىق كونكۋرسىنىڭ قالالىق سىنىندا توپ جارعان جانۇيالار ماراپاتتالدى
اقتوبە. قازاقپارات - اقتوبە اكىمدىگىندە «مەرەيلى وتباسى» ۇلتتىق كونكۋرسىنىڭ 1-كەزەڭىندە توپ جارعان جانۇيالار ماراپاتتالدى.
قالالىق دوداعا قازاق جانۇياسىنىڭ قۇندىلىقتارىن كەڭىنەن كورسەتىپ، وتباسىلىق تاتۋلىقتى پاش ەتە الاتىن قوعامدا ورىنى ەرەكشە سەميالار قاتىستى.
«مەرەيلى وتباسى» ۇلتتىق كونكۋرسىنىڭ قالالىق كوميسسياسى 6 وتباسى اراسىنان جەڭىمپازداردى انىقتادى. سايىس ناتيجەسىندە سەيتەنوۆتەر مەن جۇماليندەر جانۇياسى وزىق شىقتى. جەڭىمپازدارعا جانە باسقا دا قاتىسۋشىلارعا قالا اكىمىنىڭ ورىنباسارى قۋانتقان ءالىموۆ سىيلىقتار، ديپلومدار جانە العىس حاتتار تابىس ەتتى.
كەلەسى كەزەكتە جەڭىمپازدار وبلىستىق «مەرەيلى وتباسى» كونكۋرسىندا باق سىنايتىن بولادى.
