قازاقستان مەن قىتاي تازا ەنەرگيانى دامىتۋ سالاسىندا ىنتىماقتاستىعىن ارتتىرماق

استانا. قازاقپارات - استانا قالاسىندا اتوم ەنەرگياسىن بەيبىت پايدالانۋ سالاسىنداعى قازاقستان رەسپۋبليكاسى مەن قىتاي حالىق رەسپۋبليكاسى ىنتىماقتاستىعى اياسىندا تازا ەنەرگيانى دامىتۋ بويىنشا سەمينار ءوتتى، دەپ حابارلايدى ق ر ەنەرگەتيكا مينيسترلىگىنىڭ باسپا ءسوز قىزمەتىنەن.

شارانى China General Nuclear Power Group كورپوراتسياسى ۇيىمداستىردى.

«جيىندا رەاكتورلىق تەحنولوگيا، قاۋىپسىزدىك جۇيەلەرى جانە رەاكتوردىڭ يادرولىق وتىن ماسەلەلەرىن قوسا العاندا، قىتايدىڭ اتوم ەنەرگەتيكاسىنىڭ دامۋىنىڭ قازىرگى جاعدايى تۋرالى، CGN GROUP ەنەرگەتيكالىق نىسانداردى سالۋ بويىنشا ينجەنەرلىك-تەحنيكالىق مۇمكىندىكتەرى، سونداي-اق جەل جانە كۇن ەنەرگەتيكاسىنىڭ دامۋى جونىندەگى باياندامالار ۇسىنىلدى»، دەلىنگەن حابارلامادا.

سەمينارعا ق ر ەنەرگەتيكا مينيسترلىگى، «سامۇرىق-قازىنا» ءۇ ا ق» ا ق، «كاز اتوم ونەركاسىپ» ۇ ا ك» ا ق، «سامۇرىق- ەنەرگو» ا ق، «KEGOC» ا ق، «قاز اتوم ونەركاسىپ-دەمەۋ» ج ا ق، «ق ر ۇلتتىق يادرولىق ورتالىعى» ر م ك، «يادرولىق فيزيكا ينستيتۋتى» ر م ك، «قازاقستاننىڭ يادرولىق قوعامى» قاۋىمداستىقتارى، سونداي-اق ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ وكىلدەرى قاتىستى.