استانا تورىندە - «قۇنانباي» كوركەم فيلمى

استانا. قازاقپارات - بۇگىن، 16- مامىر كۇنى ساعات 16.00 دە استاناداعى «قازمەديا ورتالىعىنىڭ» كينو زالىندا «قۇنانباي» كوركەم فيلمىنىڭ تانىستىرىلىمى وتەدى.

بۇل فيلمگە حالقىمىزدىڭ ۇلى اقىنى ابايدىڭ اكەسى، تاريحي تۇلعا، اعا سۇلتان قۇنانباي وسكەنباي ۇلىنىڭ ونەگەلى ءومىرى ارقاۋ بولعان.

كوركەم تۋىندىنى شاكەن ايمانوۆ اتىنداعى «قازاق فيلم» ۇلتتىق كينوستۋدياسى تۇسىرگەن. فيلمنىڭ سەناريىن دوسحان جولجاقسىنوۆ پەن تالاسبەك اسەمقۇلوۆ جازعان. ال مۋزىكاسىن جازعان - تولەگەن مۇحامەدجانوۆ.

باستى ءرولدى قازاقستاننىڭ حالىق ءارتىسى، مەملەكەتتىك سىيلىقتىڭ يەگەرى، قازاق مادەنيەتىنىڭ كورنەكتى قايراتكەرى دوسحان جولجاقسىنوۆ سومداعان.

«قۇنانباي» فيلمىنىڭ تانىستىرىلىمىنا مەملەكەت جانە قوعام قايراتكەرلەرى، زيالى قاۋىم وكىلدەرى شاقىرىلىپ وتىر.

اۆتور: ايدىن بايمەن