قازاقستاندىق جەردى قاشىقتىقتان زوندتاۋ جەرسەرىكتەرىمەن تۇسىرىلگەن سۋرەتتەر شەت ەلدەرگە تاراتىلادى
بۇل تۋرالى ءبىزدىڭ اگەنتتىككە ديستريبيۋتورلاردىڭ كونفەرەنتسياسىنا قاتىسىپ، قازاقستاندىق تاراپتىڭ اتىنان قول قويعان «قازاقستان عارىش ساپارى» ا ق- نىڭ عارىشتىق جۇيەلەردى قۇرۋ جانە پايدالانۋ بويىنشا ۆيتسە-پرەزيدەنتى باعلان قازيەۆ حابارلادى.
كونفەرەنتسيا كەزىندە Airbus Defence and Space Geo SA كومپانياسىنىڭ 2014-جىلى جاساعان جۇمىسىنىڭ قورىتىندىلارى ايتىلدى. Airbus Defence and Space Geo SA كومپانياسىنىڭ عارىشتىق سۋرەتتەردى جاھاندىق ساتۋ ءوسىمىنىڭ قارقىنى 54 پايىزدى قۇراعان، بۇل رەتتە عارىشتىق اپپاراتتارمەن تۇسىرىلگەن سۋرەتتەردىڭ كوپ بولىگى الەمنىڭ 86 ەلىندە رەسەللەرلەردىڭ كومەگىمەن جۇزەگە اسىرىلعان.
«وسىلايشا، ءبىزدىڭ وتاندىق عارىشتىق اپپاراتتارىمەن جاسالعان سۋرەتتەر Airbus Defence and Space Geo SA كومپانياسىنىڭ رەسەللەرلەر جەلىسىنىڭ كومەگىمەن الەمنىڭ 86 ەلىنە تاراتىلا الادى»، - دەپ اتاپ ءوتتى ب. قازيەۆ.
فرانسياعا جاساعان جۇمىس ساپارىنىڭ بارىسىندا سونداي-اق عارىشتىق سۋرەتتەر ماركەتينگىمەن جانە ونى ساتۋمەن اينالىساتىن قازاقستاندىق ماماندار ءۇشىن تۋلۋزادا ترەنينگتەر ۇيىمداستىرۋ تۋرالى كەلىسىمدەرگە قول جەتكىزىلدى.
