ەلشى گۋن تسزيانۆەي قازاقستاندىقتارعا ق ح ر- نىڭ ا و ى س ش ك- ىنە ءتوراعالىق ەتۋىنىڭ باسىمدىقتارى تۋرالى ايتىپ بەردى

استانا. قازاقپارات - استانا قالاسىنداعى قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسى ينستيتۋتىندا پروفەسسورلىق- وقىتۋشىلىق قۇرام مەن تىڭداۋشىلار ازياداعى ءوزارا ءىس-قيمىل جانە سەنىم شارالارى كەڭەسى حاتشىلىعىنىڭ اتقارۋشى ديرەكتورى، ەلشى گۋن تسزيانۆەيمەن كەزدەستى.

ديپلومات قىزىعۋشىلىق تانىتقان اۋديتوريانى قازاقستاننىڭ سىرتقى ساياساتىنىڭ باستى باعىتتارىنىڭ ءبىرى بولىپ تابىلاتىن ا و ى س ش ك- ءنىڭ دامۋ كەزەڭدەرىمەن تانىستىرىپ، بەيجىڭنىڭ بۇل بەدەلدى حالىقارالىق قۇرىلىمعا 2014-2016-جىلدارى ءتوراعالىق ەتۋىنىڭ باسىمدىقتارى تۋرالى ايتىپ بەردى.

اكادەميادا قىتايلىق ديپلوماتپەن بولعان جۇزدەسۋ ءداستۇرلى «ەلشىلىك ساعاتىنىڭ» شەڭبەرىنەن شىعىپ، تاجىريبەلى حالىقارالىق شەنەۋنىك جاستارعا اسپان استى ەلىنىڭ كوپجاقتى ديپلوماتياسى مەن حالىقتىق داستۇرلەرىنىڭ وزگەشەلىكتەرى تۋرالى باياندادى، سونداي-اق ادامزات دامۋىنىڭ جاھاندىق ۇردىستەرى تۋرالى وزىندىك پىكىرلەرىمەن ءبولىستى.

بەلگىلى بولعانداي، ا و ى س ش ك ازياداعى بەيبىتشىلىك، قاۋىپسىزدىك جانە تۇراقتىلىقتى قامتاماسىز ەتۋگە باعىتتالعان ىنتىماقتاستىقتى نىعايتۋ بويىنشا حالىقارالىق فورۋم بولىپ تابىلادى. ونى شاقىرتۋ يدەياسىن العاش رەت 1992-جىلدىڭ 5- قازانىندا ب ۇ ۇ باس اسسامبلەياسىنىڭ 47- سەسسياسىندا قازاقستان رەسپۋبليكاسىنىڭ پرەزيدەنتى ن. ءا. نازاربايەۆ ۇسىنعان بولاتىن. اتالعان باستاما وسىنداي قۇرىلىمنىڭ زامان قاجەتتىلىگى ەكەنىنە كوز جەتكىزگەن ءبىرقاتار ازيالىق مەملەكەتتەر تاراپىنان قولداۋعا يە بولدى.