ا ق ش جەرگە جاقىنداپ كەلە جاتقان ۇلكەن استەرويدتى باقىلاۋعا الدى
ب ا ق مالىمەتىنشە، عالامشارىمىزعا ديامەترى شامامەن 1,3 شاقىرىم بولاتىن ۇلكەن استەرويد جاقىنداپ قالدى. ءبىراق عالىمدار ونىڭ جەرمەن سوقتىعىسۋ ىقتيمالدىعىنىڭ وتە از ەكەنىن ايتىپ وتىر.
"ناسا ماماندارى استەرويدتىڭ عالامشارىمىزعا بۇرىن- سوڭدى جاقىن تاياپ كەلگەن اسپان دەنەلەرى ىشىندەگى ەڭ ۇلكەنى ەكەنىن ايتتى. ساراپشىلاردىڭ مالىمدەۋىنشە، ەگەر ول جەرمەن سوقتىعىسا قالعان جاعدايدا، عالامشارداعى حالىقتىڭ بەستەن ءبىر بولىگى قىرىلۋى مۇمكىن ەكەن. قازىر قاۋىپتى اسپان دەنەسىنىڭ قوزعالىسىن ا ق ش- تىڭ كەننەدي اتىنداعى عارىش ورتالىعى باقىلاۋعا العان"، - دەلىنگەن جاريالانىمدا.
ەسكە سالا كەتەيىك، بۇعان دەيىن جەرگە قاراي 40 مەترلىك استەرويدتىڭ جاقىنداپ كەلە جاتقانى حابارلانعان بولاتىن. ونىڭ جەردىڭ بەتىمەن سوقتىعىسۋى ۇلكەن قيراندىلار تۋعىزادى. قازىرگى ۋاقىتتا استەرويد جەردەن 95 مىڭ شاقىرىم قاشىقتىقتا. دەگەنمەن، ونىڭ عالامشارىمىزعا سوعىلۋ مۇمكىندىگى ميلليوننىڭ بىرىندەي عانا.
