قازاقستاندىق جۇلدىزدار ميلليونەر اتاندى - فوتو
قارجىلاي سىيلىق بۇيىرعان انشىلەر قاتارىنان ايقىن تولەپبەرگەن، سەرىك يبراگيموۆ پەن بايان ەسەنتايەۆانىڭ توبى - Keshyou تابىلدى.
مۋزىكا سالاسىنداعى Top Hits Award اتتى جاڭا سىيلىقتى Muzlife تەلەارناسى مەن NS راديوسى ۇسىندى. ۇيىمداستىرۋشىلار بۇل شارا جىل سايىن اتالىپ ءوتىپ، ورىنداۋشىلاردىڭ وزدەرىن تانىتۋىنا ۇلكەن سەپتىك بولاتىنىنا سەنەدى.
بيىل 5000000 تەڭگەنى قۇراعان سىيلىق قورى جىل سايىن ءوسىپ وتىرۋى مۇمكىن. نوميناتسيالار ءۇش باعىتتا بەرىلىپ، ءۇش جەڭىمپازدار ەسىمى بەلگىلى بولدى.
Top Girls «ۇزدىك ايەلدەر توبى» نەمەسە «ۇزدىك ورىنداۋشى» (2000000 تەڭگە) نومنياتسياسىن Keshyou ۇتتى.
تىڭدارماندار كوڭىلىنەن توپتىڭ «كەلشى جانىما» ءانى شىققان.
Top Boys «ۇزدىك ەرلەر توبى» نەمەسە «ۇزدىك ورىنداۋشى» (2000000 تەڭگە) نوميناتسياسى سەرىك يبراگيموۆكە بۇيىردى.
سەرىك يبراگيموۆ (سول جاقتا) ساحناعا شىققانىنا ءبىر-اق جىل بولسا دا تانىمال بولىپ ۇلگەردى.
People's choice «كورەرمەندەر تاڭداۋى» (1000000 تەڭگە) ايقىن تولەپبەرگەنگە ءتۇستى.
ارىپتەستەرىنە قولداۋ كورسەتۋگە بۇركىت پەن ايشا، كامشات جولدابايەۆا، رۇستەم ورازبەكوۆ، ليدو جانە وزگەلەر كەلگەن. بايان ەسەنتايەۆا ءوز كەزەگىندە ينستاگرام پاراقشاسىندا توبىنا داۋىس بەرگەندەردىڭ بارلىعىنا العىسىن ايتتى.
Nur.kz
