قىتايدا الەمدەگى ەڭ تىنىش كىتاپحانا اشىلدى

استانا. قازاقپارات - وقىرمان ەش نارسەگە الاڭداماستان، جايباراقات وتىرىپ، كىتاپ وقۋىنا جول اشاتىن عيمارات تەڭىزدىڭ جاعاسىنا سالىنعان.

ساۋلەتشىلەر ونى تۇرعىزۋ بارىسىندا كىتاپحانانىڭ بارىنشا جىراقتا ورنالاسۋىنا باستى نازار اۋدارعان ەكەن، دەپ جازادى newsru.com.

سانليان قوعامدىق كىتاپحاناسى تۇرعان جەردە ەشقانداي كوشە، ءتىپتى جول دا جوق. سول سەبەپتى وعان تەك جاياۋ عانا جەتە الاسىز. مۇنداعى وقۋ زالىنىڭ تەرەزەسىنەن جاعاعا سوعىپ جاتقان تەڭىز تولقىنىن كورۋگە بولادى.

اشىلعانىنا از ۋاقىت بولسا دا، ول الەمدەگى ەڭ تىنىش كىتاپحانا رەتىندە تانىلدى. ال وسى جوبا اۆتورلارىنىڭ ءبىرى، ارحيتەكتور دون گۋن كىتاپحانادا وتىرىپ، وقۋ كەزىندە تەك قانا جالعىزدىق پەن تىنىشتىقتى سەزىنگەندىگىن ايتىپتى.

ول تۇرعان جەردەگى تابيعاتتىڭ اسەم پەيزاجى ادامدى شابىتقا بولەيدى ەكەن.

24.kz