جانار دۇعالوۆا قازاقستان ەستراداسىنداعى ەڭ ۇزدىك داۋىس يەسى اتاندى

استانا. قازاقپارات - وتاندىق ب ا ق ۇيىمداستىرعان «ەڭ ۇزدىك داۋىس» بايقاۋى مارەگە جەتىپ، جەڭىمپاز انىقتالدى.

Baistars.kz سايتى جەڭىمپازدى انىقتاۋ وقىرماندار اراسىنداعى ساۋالناما مەن كاسىبي مامانداردىڭ پىكىرىنە جۇگىنگەن.

سايت ۇسىنعان 12 ورىنداۋشىعا جالپى ەسەبى 2765 ادام داۋىس بەردى.

ساۋالناما ناتيجەسى تومەندەگىدەي:

12- ورىن - رۇستەم نۇرجىگىت - 2 داۋىس

11- ورىن - ساندا - 15 داۋىس

10- ورىن - گاۋھار قاسپاقوۆا - 22 داۋىس

9- ورىن - ماقپال يسابەكوۆا - 45 داۋىس

8- ورىن - ەردەن جاقسىبەكوۆ - 60 داۋىس

7- ورىن - التىناي جورابايەۆا - 100 داۋىس

6- ورىن - مارجان اراپبايەۆا - 111 داۋىس

5- ورىن - قايرات تۇنتەكوۆ - 112 داۋىس

4- ورىن - جىگەر اۋىپبايەۆ - 118 داۋىس

3- ورىن - ەرگەن ايتىمبەتوۆ - 500 داۋىس

2- ورىن - ءمولدىر اۋەلبەكوۆا - 645 داۋىس

1- ورىن - جانار دۇعالوۆا 795 داۋىس

وقىرماندار تاڭداۋى بويىنشا جانار دۇعالوۆا جەڭىمپاز اتاندى.

سايت «ەڭ ۇزدىك داۋىس» يەسىن انىقتاۋ ءۇشىن مامانداردىڭ پىكىرىنە دە جۇگىنگەن. ولار دا ءوز ويلارىن ورتاعا سالدى. سازگەر ارمان دۇيسەنوۆ ەسترادامىزداعى ورىنداۋشىلار اراسىندا ۇزدىكتەردىڭ كوپ ەكەنىن جەتكىزدى.

ارمان مىرزا، ءوز ويىنشا، ەڭ ۇزدىك داۋىس مەيرامبەك بەسپايەۆتىكى ەكەنىن ايتتى. وعان قوسا، ساكەن مايعازيەۆ، مارجان اراپبايەۆا مەن جانار دۇعالوۆا، ەرگەن ايتىمبەتوۆ، قاراقات ءابىلدينا، مۇرات قوجا مەن ايگۇل قوسانوۆالاردى ۇزدىك داۋىستار قاتارىنا قوسۋعا بولاتىنىنا سەنىم ءبىلدىردى.

سازگەر ءۇشىن بۇل ەسىمدەردى اتاۋ ءسال قيىنعا سوقتى. «سەبەبى شوۋ-بيزنەستە جۇرگەن جۇيرىكتەردىڭ ءارقايسىسى ءوز ورىنداۋشىلىقتارىمەن ەرەكشەلەنەدى. مىقتىلار اراسىنان بىرنەشە ەسىمدى اتاۋ وڭاي ەمەس»، - دەدى ول.

ال باعىم مۇحيتدەنوۆا ءۇشىن ۇزدىك داۋىس يەلەرىن انىقتاۋ وڭاي بولدى.

«وزىمنەن ءتالىم الىپ جۇرگەن جانار دۇعالوۆانىڭ مىقتىلىعىن بارلىعى مويىنداعان. ول - شىندىق. دەسەك تە، جاناردان كەم تۇسپەيتىن داۋىس يەسىن مارجان اراپبايەۆا دەپ بىلەمىن. شىعارماشىلىعى مەن داۋىسىنىڭ كۇشى وتە كەرەمەت. ال ەرلەر اراسىنداعى ەڭ ەرەكشە، ءارى ۇزدىك داۋىس -  ەرگەن ايتىمبەتوۆتىكى. ول قاي باعىتتاعى ءاندى بولماسىن شەبەر ورىندايدى. ال داۋىسىن قۇبىلتىپ، ءتۇرلى ستيلدە سىناپ، ءان سالعان ەردەن جاقسىبەكوۆ تە، جىگىتتەر اراسىنداعى ۇزدىك داۋىس دەپ ايتا الامىن»، - دەيدى كاسىبي مامان.

جەڭىمپازدى انىقتاۋ ءۇشىن ارمان دۇيسەنوۆ پەن باعىم مۇحيتدەنوۆادان بولەك ءبىرقاتار مامانداردىڭ پىكىرى ەسكەرىلدى. الايدا ولار ءوز ەسىمدەرىن جاريالاماي، جاسىرىن ۇستاۋدى ءجون ساناعان.

قورىتا كەلە، داۋىس بەرۋ ناتيجەسىندە العا شىعىپ، مامانداردان ۇزدىك باعا العان جانار دۇعالوۆا baistars.kz سايتى ۇيىمداستارعان «ەڭ ۇزدىك داۋىس» بايقاۋىنىڭ جەڭىمپازى اتاندى.

جاقىندا عانا ماسكەۋگە بارىپ بەينەكليپ ءتۇسىرىپ كەلگەن ءانشى، جەكە شىعارماشىلىعىن جانداندىرۋ جولىندا تىنباي تالاپتانۋدا.

بۇرىن «كەشيۋ» توبىندا ونەر كورسەتكەن جانار بىرنەشە اندەردىڭ ءسوزى مەن سازىن جازعان اۆتور. داۋىسىنىڭ مىقتىلىعىن ءتۇرلى بايقاۋلارعا بارىپ، جەڭىمپاز بولۋ ارقىلى دالەلدەپ ءجۇر.

Nur.kz