قازاقستاندا توپىراق قۇنارى تومەندەپ بارادى
«سوڭعى ۋاقىتتا رەسپۋبليكامىزداعى توپىراقتىق-مەليوراتيۆتىك جانە توپىراقتىق-ەكولوگيالىق جاعداي ناشارلاپ بارادى: توپىراق قۇنارلىلىعى ۇدايى تومەندەپ، جەلگە ءمۇجىلۋى مەن ەكىنشى قايتارا تۇزدانۋى بايقالادى. سونىڭ سالدارىنان اۋىل شارۋاشىلىعى داقىلدارىنىڭ ونىمدىلىك كورسەتكىشى تۋرا ءبىزدىڭ ەلىمىزدەگىدەي تابيعي كليماتتىق جاعدايداعى رەسپۋبليكالاردىڭ كورسەتكىشىمەن سالىستىرعاندا، ايتارلىقتاي قالىپ كەلەدى»، - دەدى ۆيتسە مينيستر.
ونىڭ سوزىنە قاراعاندا، بارلىق وڭىرلەردە دەرلىك توپىراق قۇرامىنداعى كوڭ، قي سەكىلدى اۋىل شارۋاشىلىعى داقىلدارى ءۇشىن ونىمدىلىكتى ارتتىراتىن قۇرامداستارى ازايىپ كەتكەن. بۇدان بولەك، سوڭعى ۋاقىتتاردا جۇرگىزىلگەن اگروحيميالىق زەرتتەۋلەر كورسەتكەنىندەي، سۋارمالى ەمەس جەرلەردىڭ 63 پايىزىندا، ال سۋارمالى جەرلەردىڭ 98 پايىزىندا كوڭنىڭ تومەندىگى تىركەلگەن. وسىنىڭ ءوزى جەردىڭ دەگراداتسيا جانە دەگۋميفيكاتسياسىنا دالەل بولا الادى.
«وسىعان بايلانىستى ەلىمىزدىڭ توپىراقتىق ونىمدىلىك رەسۋرسىنىڭ تۇراقتىلىعىن ساقتاۋعا قاۋىپ ءتونىپ تۇرعانىن اتاپ وتۋگە بولادى. بۇل پروبلەمانىڭ شەشىمى ءۇشىن توپىراقتىڭ ونىمدىلىگىن ارتتىرۋعا قاتىستى شارالار قابىلدانۋى كەرەك، اۋىل شارۋاشىلىعىنا ارنالعان جەرلەردى ءتيىمدى پايدالانۋ كەرەك»، - دەدى س. وماروۆ.
اۆتور: قانات مامەتقازى ۇلى
