ۆەنادا قازاقستان مەن اۋستريانىڭ مۇناي جانە گاز سالاسىنداعى ىنتىماقتاستىعىنىڭ مۇمكىندىكتەرى تالقىلاندى
ءىس-شارانىڭ نەگىزگى سپيكەرى ق ر ەنەرگەتيكا ۆيتسە-ءمينيسترى ماعزۇم مىرزاعاليەۆ قازاقستاننىڭ مۇناي جانە گاز سالاسىنىڭ دامۋى جانە وعان ەۋرازيالىق ەكونوميكالىق وداقتىڭ وڭ ىقپال ەتۋى، ەلىمىزدەگى بالامالى ەنەرگەتيكا، مۇناي حيمياسى جانە ەنەرگەتيكالىق ساياسات سالالارىنداعى جوبالار تۋرالى ايتىپ بەردى. ۆيتسە-مينيستر قازاقستان-اۋستريا ىنتىماقتاستىعىنا، اتاپ ايتقاندا بىرلەسكەن كاسىپورىنداردى قۇرۋ مۇمكىندىكتەرىنە ايرىقشا توقتالدى.
م. مىرزاعاليەۆتىڭ ءسوزى ءىس-شارا قاتىسۋشىلارى، اسىرەسە قازاقستانمەن جۇمىس ىستەۋگە مۇددەلى اۋستريالىق كومپانيالار اراسىندا ۇلكەن قىزىعۋشىلىق تۋدىردى. ءىس-شارا قورىتىندىسى بويىنشا، ۆيتسە-مينيستر م. مىرزاعاليەۆ جيىرما شاقتى اۆستريالىق كومپانيالار وكىلدەرىمەن بەيرەسمي كەزدەسۋ وتكىزىپ، كومپانيالاردىڭ قازاقستانداعى جۇمىس جوسپارلارىن تالقىلادى.
سونىمەن بىرگە، ءىس-شارا قاتىسۋشىلارىنىڭ الدىندا اۋستريانىڭ ە ى د ۇ جانە جەنيەۆاداعى ب ۇ ۇ جانىنداعى بۇرىنعى تۇراقتى وكىلى ۆولفگانگ پەتريچ جانە اۋستريا-قازاقستان قوعامىنىڭ اتقارۋشى پرەزيدەنتى گابريەل لانسكي ءسوز سويلەدى. اۋستريا پارلامەنتىنىڭ دەپۋتاتى كريستينا مۋتتونەن ءىس-شارانىڭ قۇرمەتتى قوناعى بولدى.
جالپى ءىس-شارا اۋستريالىق كومپانيالاردىڭ قازاقستانعا تۇراقتى قىزىعۋشىلىعىن جانە اۋستريا-قازاقستان قوعامىنىڭ ەكى ەل اراسىنداعى ساۋدا-ەكونوميكالىق بايلانىستاردىڭ دامۋىنا ۇلەس قوساتىن الاڭ رەتىندە ماڭىزدىلىعىنىڭ ارتا ءتۇسۋىن كورسەتتى.
سونىمەن قاتار، بۇعان دەيىن ۆيتسە-مينيستر م. مىرزاعاليەۆتىڭ اۋستريالىق مۇناي كومپانياسى ОMV باسقارما مۇشەسى ياپ حايسكەسپەن جانە Bertsch Group كومپانياسىنىڭ باسقارۋشى ديرەكتورى حۋبەرت حاكلمەن كەزدەسۋلەرى ءوتىپ، كومپانيالاردىڭ قازاقستانداعى اعىمداعى جۇمىس ماسەلەلەرى تالقىلانعان بولاتىن.
