وتاندىق اۆتوكولىكتەردى ساتۋ كولەمى ءبىر ايدا ۇشتەن بىرگە ءوستى
قازاقستاندىق اۆتوبيزنەس قاۋىمداستىعىنىڭ (ق ا ب ق) الدىن الا مالىمەتىنشە، ناۋرىز ايىندا 8392 دانا جاڭا اۆتوكولىك ساتىلسا، ساۋىردە بۇل كورسەتكىش 9573 دانانى قۇراعان. وسىلايشا نارىق وتكەن ايمەن سالىستىرعاندا 14,07 پايىزعا ءوسىپ وتىر. اسىرەسە جەرلەستەرىمىزدىڭ اراسىندا Renault, Toyota, Subaru, Geely, Iveco, Volkswagen سەكىلدى برەندتەر ۇلكەن سۇرانىسقا يە. جىل باسىنان بەرى بارلىعى 34981 جاڭا اۆتوكولىك ساتىلدى. وتكەن جىلدىڭ سايكەس مەرزىمىمەن سالىستىرعاندا نارىق 28,29 پايىزعا (48788 دانا) تومەندەپ قالعان.
وتاندىق اۆتوكولىكتەردى ساتۋ كولەمى ناۋرىزداعى كورسەتكىشكە قاراعاندا 31,1 پايىزعا ۇلعايدى. ءساۋىر ايىندا قازاقستاندىق وندىرىستەن شىققان 1168 دانا اۆتوكولىك ساتىلعان. تەمىر تۇلپار تىزگىندەگەندەردىڭ تاڭداۋى Hyundai Elantra, Toyota Fortuner، SsangYong Nomad, Skoda Rapid, Iveco 682 Tipper، Peugeot 301 سەكىلدى ماركالارعا ءتۇسىپتى.
سونىمەن قاتار كورشى رەسەي ەلىنەن يمپورتتالعان اۆتوكولىكتەر سانى وتكەن ايمەن سالىستىرعاندا 8,33 پايىزعا ارتقان.
