قازاقستاندىق اسكەريلەر اسكەري تەحنيكا بولشەكتەرىن جاساۋدى مەڭگەرە باستادى
بۇل ق ر تۇڭعىش پرەزيدەنتى - ەلباسى اتىنداعى ۇلتتىق قورعانىس ۋنيۆەرسيتەتىنىڭ بازاسىندا قۇرىلعان ينجەنەرلىك-تەحنيكالىق نۇسقاداعى جاڭا جوعارعى تەحنولوگيالىق زەرتحانانىڭ ارقاسىندا مۇمكىن بولىپ وتىر، دەپ حابارلايدى Bnews.kz.
اتالعان 3D- جابدىعى كەز-كەلگەن وبەكتىنى ونىڭ 3D- رەداكتورىنىڭ كومەگىمەن مانيپۋلاتسيا مۇمكىندىگى ارقىلى كوشىرىپ الىپ، جاڭارتىپ جاساي الادى. بۇل كۇردەلى ۇلگىلەردى قۇراستىرىپ شىعارۋ جانە جەتىلدىرۋ كەزىندە بارىنشا جوعارى دەڭگەيدە شولۋ جاساۋعا مۇمكىندىك جاسالعان. بۇل جەردە قاجەتتى نۇسقالار جانە قىزمەتتىك ۇلگىدەگى پروتوتيپتەردى قۇراستىرىپ، ولاردى زەردەلەۋگە، سونداي-اق تولىق ءىس جۇزىندە پايدالانۋعا بولادى.
زەرتحانا - قورعانىستى-وندىرىستىك كەشەندەگى جاڭارتىلعان ونىمدەردى پىسىقتاۋ جانە اسكەري تەحنيكا ۇلگىسىندەگى قارۋ-جاراقتى جاڭارتۋعا ارنالىپ جابدىقتالعان بازا. سونىمەن قاتار، زەرتحانا تەز ارادا وندىرىستىك نۇسقاداعى جانە تىكەلەي ۇلگىلەردى قولدانۋ اياسىندا بىلىكتى مامانداردى دايارلاۋ ماقساتىندا قىزمەت ەتەدى.
قازىرگى كەزدە اتالعان 3D- نۇسقالارىن جاساۋ دامىعان مەملەكەتتەردە قارقىندى تۇردە قولدانىسقا ەنگىزىلىپ كەلەدى. ناقتىراق ايتساق، Airbus نەمىس كونسەرنى وسىنداي زەرتحانالاردا بىرنەشە جىل بويى ۇشاقتارعا ارنالعان بولشەكتەردى ءساتتى دايارلاپ كەلەدى. وسىنداي بۇيىمداردىڭ ءبىرى - ا380 ۇشاعىنا ارنالعان كرونشتەين. بۇل بولشەك قولداۋشى ەلەمەنتتەرى بار، بىرنەشە قاتتى قابىرعالى كۇردەلى نۇسقاداعى الىپ بۇيىم. 3D- نۇسقالارىن جاساۋ ءوندىرىستى ايتارلىقتاي جەڭىلدەتىپ، ەڭ كۇردەلى دەگەن نۇسقالاردىڭ دالمە-ءدال كوشىرمەسىن ءوندىرىپ شىعارادى.
