دۋبايدىڭ ۇستىنەن «قاناتى بار» عالىم ۇشىپ ءوتتى - كەسكىن، فوتو
ول قۇرىلعىنى ءوزى قۇراستىرىپ شىققان. روسسيمەن بىرگە ونىڭ دوسى ۆينس رەففەت تە ۇشتى. ولار وزدەرىنىڭ ۇشىپ سۇرگەن ءساتىن ۆيدەوعا ءتۇسىرىپ الىپ، 11- مامىردا YouTube پورتالىنا جۇكتەدى.
12 مينۋتتىق ۆيدەوروليك شلەمگە قىستىرىلعان GoPro كامەراسىمەن تۇسىرىلگەن. سونىمەن قاتار، ولاردىڭ ىزدەرىنەن ەرىپ جۇرەتىن سامولەت قۇراستىرىپ، وعان دا كامەرا قويعان.
ەكى ۇشقىش ساياحاتتارىن قالانىڭ سىرتىنداعى قۇمدى دالادان باستاپ، جاساندى پالما ارالىنىڭ ۇستىمەن ۇشىپ، كەيىن الەمدەگى ەڭ بيىك بۋردج-حاليفا عيماراتىن اينالىپ ءوتتى.
رەاكتيۆتى Jet Man اسپالى قاناتىن شۆەيتساريالىق عالىم 2004-جىلى باستاپ جاساعان. قانات مەحانيكالىق ەمەس. ياعني، Jet Man قاناتى دەنە قوزعالىسىمەن باسقارىلادى. ول ءۇشىن اياقتى، قول مەن باستى قوزعالتۋ كەرەك.
جوعارعى بيىكتىكتە ۇشۋ ءۇشىن روسسي تىكۇشاقتىڭ قاناتىنان سەكىردى. جەرگە قونۋ ءۇشىن پاراشيۋت پايدالاندى. اسپالى قاناتتىڭ سالماعى - 55 كەلى، قاناتتىڭ ۇزىندىعى - 2 مەتر، ەڭ ماكسيمالدى جىلدامدىعى ساعاتىنا 300 شاقىرىم. اپپارات اۆياتسيالىق جانارمايدىڭ كومەگىمەن ۇشادى.
