تاجىكستان رەسپۋبليكاسىنىڭ اۋماعىنا ق ر ق ك باس شتابىنىڭ وپەراتيۆتى توبى ءبىرىنشى بولىپ جىبەرىلدى - فوتو
اسكەرلەردى تياناقتى باسقارۋدى قامتاماسىز ەتۋ ءۇشىن تاجىكستان رەسپۋبليكاسى اۋماعىنا ق ر قارۋلى كۇشتەرى باس شتابىنىڭ وپەراتيۆتى توبى جونەلتىلدى، دەپ حابارلايدى ق ر قورعانىس مينيسترلىگىنىڭ باسپا ءسوز قىزمەتىنەن.
ەكى تاۋلىككە جالعاسقان قازاقستاندىق اسكەرلەردىڭ قايتا جاساقتالۋ ۇدەرىسى اياقتالدى. وسى ورايدا قازاقستاندىق اسكەرلەر توبى اتالعان اۋدانعا ءبىرىنشى بولىپ كەلدى. تاجىكستان رەسپۋبليكاسىنىڭ اەرودرومىندا الدىن-الا تەكسەرۋدەن وتكەن سوڭ اەرودرومدى كۇزەتۋ جانە قورعاۋ ءۇشىن ارنايى ماقساتتاعى بولىمشەلەر اۋىر قارۋ-جاراعىمەن جانە اسكەري تەحنيكالارىمەن بىرگە ورنالاستىرىلدى.
اتالعان ج ى ۇ ك توبىنا كىرەتىن قازاقستاندىق اسكەرلەردەن قۇرالعان نەگىزگى توپ شوعىرلانۋ اۋماعىنا 14- مامىر كۇنى كەلگەن بولاتىن.
مايداندىق اۆياتسيا بەلگىلەنگەن اەرودرومعا ورنالاستىرىلدى. اتالعان ج ى ۇ ك قۇرامىنا كىرەتىن، جاۋىنگەرلىك ازىرلىكتى تەكسەرۋگە تارتىلعان بارلىق اسكەرلەر تاپسىرمانى ورىنداۋعا ءازىر.
قازاقستاندىق بولىمشەلەر قارۋلارىمەن، وق-دارىلەرىمەن جانە اسكەري تەحنيكالارىمەن قازاقستاندىق ا ق ك اسكەري-كولىكتىك اۆياتسياسىنىڭ توعىز ۇشاق رەيسىمەن كەلدى.
ەرتەڭ قازاقستاندىق كۇش-قۇرالداردىڭ بارلىعى ۇ ق ش ۇ ج ى ۇ ك باسشىلىعىنا بەرىلىپ، اتالعان ۇيىممەن باسقارىلاتىن بولادى.
ەستەرىڭىزگە سالا كەتسەك، اعىمداعى جىلدىڭ 12- مامىرى كۇنى ۇ ق ش ۇ بىرىككەن شتابىنىڭ دابىلى بويىنشا قازاقستاننىڭ قارۋلى كۇشتەرىنەن كەلگەن بەس مىڭنان اسا ادام، شامامەن 400 قارۋ-جاراق پەن اسكەري تەحنيكا جاۋىنگەرلىك ازىرلىكتىڭ جوعارعى دەڭگەيىنە كەلتىرىلدى.
