ماكەدونيا قازاقستاندىقتارعا ءو ز وقۋ ورىندارىندا ءبىلىم الۋى ءۇشىن ستيپەنديالار ءبولدى
بۇل تۋرالى الماتى قالاسى اكىمىنىڭ باسپا ءسوز قىزمەتىنەن حابارلادى.
كەزدەسۋ بارىسىندا قالا باسشىسى الماتىنىڭ ەلىمىز بويىنشا قارجى، عىلىم، تۋريزم ورتالىعى ەكەندىگىن جانە بارلىق باعىتتار بويىنشا بىرىگىپ جۇمىس ىستەۋگە قاشاندا اشىق ەكەندىگىن اتاپ ءوتتى.
«ماكەدونيا دا - قازاقستان سياقتى جاس مەملەكەت. سوندىقتان دا ءبىز ءبىر- ءبىرىمىزدى مادەني بايلانىستار ارقىلى كەڭىنەن تانىپ، بىلۋگە ءتيىسپىز. سىزدەردىڭ بايتاريحتارىڭىز بار، ەل تۇراقتى دامىپ كەلەدى. الماتى مەن ماكەدونيا اراسىنداعى تاۋار اينالىمى جاقسى قارقىنمەن وسۋدە. الماتىدا شەتەلدىك ينۆەستورلار ءۇشىن بارلىق جاعداي جاسالعان»، - دەدى احمەتجان ەسىموۆ.
ءوز كەزەگىندە ەلشى ماكەدونيا استاناسى سكوپە قالاسىندا ورنالاسقان قازاقستان- ماكەدونيا قاۋىمداستىعىنىڭ جەمىستى جۇمىس ىستەپ جاتقاندىعىن ايتىپ، الماتىدا ۇيىمنىڭ وكىلدىگىن اشۋ جونىندەگى جوسپارىمەن ءبولىستى. ەلشى سونىمەن قاتار، ماكەدونيادا قازاقستاندىق ازاماتتار ءۇشىن ۆيزاسىز ءتارتىپ قالىپتاسقاندىعىن، ال ستۋدەنتتەرگە شاكىرتاقى قاراستىرىلعاندىعىن جەتكىزدى.
كەزدەسۋ سوڭىندا مارتەبەلى مەيمان بىرىگىپ جۇمىس ىستەۋگە ىنتالى ەكەنىن ايتىپ، 2022 - جىلى وتەتىن قىسقى وليمپيادا ويىندارىن وتكىزۋ قۇقىعىن جەڭىپ الۋدا الماتى قالاسىنىڭ اكىمىنە تابىس تىلەدى.
