11:54, 15 - مامىر 2015 | GMT +5
اق ءۇي اۋلاسىنان تاعى دا ۇشۋ اپپاراتى تابىلدى
استانا. قازاقپارات - اق ءۇيدىڭ قۇپيا قىزمەتى ا ق ش پرەزيدەنتىنىڭ رەسمي رەزيدەنتسياسىنا قاشىقتان باسقارىلاتىن ۇشۋ قوندىرعىسىن جونەلتكەن بەلگىسىز ەر ادامدى قولعا ءتۇسىردى. بۇل تۋرالى NBC News ارناسى حابارلادى.
رەزيدەنتسياعا 30 مەتر جەردەن ۇشۋ درونى بايقالعان بويدا قۇپيا قىزمەت وكىلدەرى مەن اق ءۇي ماڭىنداعى Lafayette پاركىنىڭ پوليتسياسىنا حابار تۇسكەن. كوپ ۇزاماي ول قوندىرعىنى كولىك ىشىنەن جاسىرىن باسقارىپ وتىرعان بەلگىسىز ازامات قۇرىقتالدى. دەرەۋ ارادا اق ءۇي اينالاسى حالىقتان وقشاۋلاندىرىلىپ، ءتىنتۋ شاراسى جۇرگىزىلدى. قوندىرعى قالالىق پوليتسيا دەپارتامەنتىنە تاپسىرىلدى. وقيعا كەزىندە پرەزيدەنت باراك وباما اق ۇيدە جوق بولعان. سەبەبى ۆاشينگتوننان تىسقارى ورنالاسقان كەمپ دەۆيدتە پارسى شىعاناعى ەلدەرى باسشىلارىنىڭ ءسامميتى ءوتىپ جاتىر. العاش رەت ءدال وسىنداي شاعىن ۇشۋ اپپاراتى اق ءۇي اۋلاسىنان بيىلعى قاڭتار ايىندا تابىلعان بولاتىن.
