يوردانيا تۇرعىنى وتا جاساعان دارىگەردىڭ ونىڭ ىشىندە ۇيالى تەلەفونىن قالدىرعانىنا شاعىمدانۋدا
وعان وتانى اممان جەكە اۋرۋحانالارىنىڭ بىرىندە جاساعان. ناتيجەسىندە دۇنيەگە دەنى ساۋ بالا كەلدى. نارەستەنىڭ جاعدايى جاقسى.
الايدا اناسىنىڭ دەنساۋلىعى كۇرت ناشارلاي تۇسكەن. حانان ۇيىنە ورالعاننان كەيىن تۋىستارى ونىڭ ءىشى «دىرىلدەيتىنىن» بايقاعان. ايەلدىڭ ءىشى قاتتى ءتۇيىلىپ اۋىرىپ، قوزعالا الماي قينالعان، دەپ حابارلايدى روس بالت.
ايەلدى دەرەۋ اۋرۋحاناعا جەتكىزەدى. الايدا دارىگەرلەر ونىڭ دەنساۋلىعى جاقسى ەكەنىن ايتتى. ارتىنشا ايەلدى ءال- باشيردەگى مەملەكەتتىك كلينيكاعا جەتكىزەدى. وندا رەنتگەن قورىتىندىسى ايەلدىڭ ىشىندە ءبىر زات بار ەكەنىن كورسەتكەن، تەكسەرۋ بارىسىندا ول زات ۇيالى تەلەفون بولىپ شىقتى. بۇل گادجەتتى ناۋقاستىڭ ىشىندە بالانى بوساندىرعان دارىگەر ۇمىت قالدىرعان بولۋى مۇمكىن.
حانان ءىسىنىڭ جانجال تۋدىرعانى سونشالىق، ماسەلە ەل پارلامەنتىندە تالقىلاندى. دەپۋتاتتاردىڭ ءبىرى ءتىپتى، بۇدان كەيىن يوردانيا ۇكىمەتىنەن «ازاماتتارعا دەگەن تيتتەي سىيلاستىعى قالسا»، وتستاۆكاعا كەتۋىن تالاپ ەتتى. ال وسى ەلدىڭ دەنساۋلىق ساقتاۋ مينيسترلىگى بۇل وقيعانىڭ جالعان ەكەنىن مالىمدەۋدە.
ازىرگە يوردانيانىڭ قۇزىرەتتى ورگاندارى تىڭعىلىقتى تەرگەۋ جۇرگىزۋدە.
