روزا رىمبايەۆا جاڭا تەلەجوبانىڭ جۇرگىزۋشىسى بولادى - فوتو
باعدارلامانىڭ باستى جۇلدىزى - وتاندىق ساحنانىڭ پريمادونناسى، تانىمال تۇلعا - روزا رىمبايەۆا. ول تەلەۆيزيالىق جوبانىڭ يەسى عانا ەمەس، باس كەيىپكەرى. بارلىق جوبا جاندى داۋىسقا قۇرىلعان! باعدارلامانىڭ ءار شىعارىلىمىندا كورەرمەندەر توسىن نومىرلەرگە، كۇتپەگەن تىڭ دۋەتتەرگە جانە باسقا دا قىزىقتى قويىلىمدارعا كۋا بولادى، دەپ حابارلادى تەلەراديوكومپانيانىڭ باسپا ءسوز قىزمەتى.
تەلەجوبا بارىسىندا وتاندىق شوۋ- بيزنەس وكىلدەرى: تانىمال انشىلەر، ارتىستەر، اكتەرلەر، سازگەرلەر ءوز شىعارماشىلىعىنىڭ جانە ءومىرىنىڭ قىزىقتى تۇستارىمەن كورەرمەندەرمەن بولىسەدى. سۇيىكتى دە تانىمال انشىلەرىڭىز، سازگەرلەر جانە كومپوزيتورلار ءوز اندەرى مەن تۋىندىلارىن جاندى اكومپانەمەنتتە ورىندايدى.
تانىمال ورىنداۋشىلارمەن قاتار، ءاربىر باعدارلامالادا جاڭا جۇلدىزدىڭ اتى بەلگىلى بولادى. شوۋ بارىسىندا روزا رىمبايەۆا قازاقستاندىقتارعا جاڭا ورىنداۋشىلاردى، كومپوزيتورلاردى، سىقاقشىلاردى تانىستىرادى.
كەشتى روزا قۋانىش قىزىمەن بىرگە ءالي وقاپوۆ پەن رۇستەم نۇرجىگىت جۇرگىزەدى.
