قازاقستان ءتولقۇجاتى ىقپالدىلىق رەيتينگىندە ورتالىق ازيا بويىنشا ءبىرىنشى ورىنعا يە

استانا. قازاقپارات - الەمنىڭ 198 ەلىنىڭ ەڭ ىقپالدى ءتولقۇجاتتارى رەيتينگىن قۇراستىرعان «Arton Capital»  حالىقارالىق قارجىلىق- كونسالتينگتىك كومپانياسىنىڭ دەرەكتەرى بويىنشا قازاقستان ورتالىق ازيا ەلدەرى اراسىندا ءبىرىنشى ورىندا تۇر.

ەلدەر ءتولقۇجاتتارى ءوز ىقپالدىلىقتارى بويىنشا 80 توپقا ءبولىندى. ءتىزىمدى جاساۋعا نەگىزگى كريتەري ءتولقۇجات يەلەرى ۆيزاسىز بارا الاتىن ەلدەر سانى بولدى.

سونىمەن، قازاقستاندىق ازاماتتار الەمنىڭ 65 ەلىنە ۆيزا الماي بارا الادى ەكەن. جالپى، الەمدىك رەيتينگتە 53- ورىندى يەلەنگەن قازاقستاندىق ءتولقۇجات ورتالىق ازيا ەلدەرى اراسىندا ىقپالدىلىق رەيتينگىندە ءبىرىنشى ساتىدا تۇر.

قازاقستاننان كەيىن ورتالىق ازياداعى ەكىنشى ناتيجە جالپى الەمدىك رەيتينگتە 63- ورىندا تۇرعان قىرعىزستاندا، ولاردىڭ ازاماتتارى 53 ەلگە ۆيزاسىز شىعا الادى ەكەن.

وزبەكستان مەن تاجىكستان 64- ورىندا، بۇل ەلدەردىڭ ازاماتتارى ۆيزاسىز 53 ەلگە بارا الادى.

ەڭ تومەنگى كورسەتكىش تۇرىكمەنستاندا - 70- ورىن (47 ەل).