قازاقستان جۇك تاسىمالىن ارتتىرۋ ءۇشىن يران مەن تۇركىمەنستانعا نازار اۋدارۋى كەرەك - ساراپشى
«قازاقستان «سولتۇستىك- وڭتۇستىك» باعىتىندا تاسىمالداناتىن تاۋارلار ءۇشىن جۇكتى اۋىستىرىپ تيەيتىن باستى ورىن بولۋعا قاۋقارلى. اسىرەسە، ەاەو اياسىندا مۇمكىندىك جوعارى.
الايدا، بۇل تۇرعىدا وڭتۇستىك باعىتتى دامىتۋ قاجەت. سونىمەن قاتار قازاقستان ءۇشىن يراننىڭ وڭتۇستىگىندە چاباحار قالاسىنا شىعۋ ناتيجەلى بولار ەدى، سەبەبى قازىرگى كەزدە يران ۇكىمەتى وسى ارنايى ەكونوميكالىق ايماقتى دامىتۋعا بەلسەندىلىك تانىتۋدا. بۇل تۇرعىدا وسى جەرگە تەمىر جول جەلىلەرى تارتىلىپ جاتىر»، - دەدى ول ورتالىق كوممۋنيكاتسيالار قىزمەتىندەگى بريفينگتە.
وسى ورايدا ساراپشى «قازاقستان - تۇركىمەنستان - يران» تەمىر جول جەلىسى پايدالانۋعا بەرىلگەنىن ەسكە سالىپ ءوتتى.
«سونىمەن قاتار قازاقستان جۇزەگە اسىرا الاتىن ءىرى جوبالاردىڭ ءبىرى رەتىندە قازاقستان- تۇركىمەنستان- يراندى بايلانىستىراتىن اۆتوكولىك ءدالىزى بولۋى مۇمكىن. سەبەبى، تۇركىمەنستان بۇگىندە اۆتوموبيل ءدالىزى قۇرىلىسىن ىسكە اسىرۋ ساياساتىن قولعا الدى، سونداي- اق يراننىڭ ءوزى «سولتۇستىك- وڭتۇستىك- شىعىس» ءدالىزىنىڭ قۇرىلىسىن جۇزەگە اسىرۋدا»، - دەدى ە. حون.
اۆتور: رۋسلان عابباسوۆ
