ق ر سىرتقى ىستەر مينيسترلىگى كابۋلداعى لاڭكەستىك سالدارىنان قازاقستان ازاماتشاسىنىڭ قازا تاپقانىن راستادى
«13 - مامىردا كابۋلداعى «Park Palace Hotel» قوناق ۇيىندە بولعان قارۋلانعان لاڭكەستەردىڭ شابۋىلى سالدارىنان 1987 - جىلى تۋعان ق ر ازاماتشاسى ابدۋللايەۆا ايگەرىم قازا تاپتى. ۆەدومستۆو كوز جۇمعان ازاماتشانىڭ تۋىستارىنا كوڭىل ايتادى»، دەلىنگەن سىرتقى ساياسي ۆەدومستۆونىڭ حابارلاماسىندا.
ا. ابدۋللايەۆا اۋعانستانعا العاش رەت اعىمداعى جىلدىڭ اقپانىندا ءوزىنىڭ جارى، اۋعانستان يسلام رەسپۋبليكاسىنىڭ يندۋستريا جانە ساۋدا مينيسترلىگىندە شەتەلدىك كەڭەسشى بولىپ جۇمىس ىستەگەن يتاليا ازاماتىمەن بارعان. اعىمداعى جىلدىڭ 20 - ساۋىرىندە استاناداعى دەمالىسىنان سوڭ ول كابۋلعا قايتا ورالعان.
13 - مامىردا اتالعان قوناق ۇيدە تۇراتىن شەتەلدىكتەر ءۇشىن كەشكى ساعات التىدا مۋزىكالىق كونسەرت ۇيىمداستىرىلدى. شارا بارىسىندا قارۋلانعان ءبىر توپ لاڭكەس كونسەرتتە ونەر كورسەتۋشىلەرگە شابۋىل جاساعان. لاڭكەستەر قوناق ءۇيدىڭ كۇزەتشىلەرىن ءولتىرىپ تاستاعاندىقتان، پوليتسيا قىزمەتكەرلەرى قوناق ءۇي كەشەنىنە بىردەن كىرە المادى. لاڭكەستەر شەتەلدىك ازاماتتاردى كەپىلدىككە العان. قاقتىعىس 7 ساعاتقا سوزىلدى. شابۋىل جاساعانداردىڭ بارلىعى ءولتىرىلدى.
لاڭكەستەردىڭ ارەكەتى سالدارىنان سونىمەن قاتار ا ق ش، ۇلى بريتانيا، يتاليا جانە ءۇندىستان ازاماتتارى مەن جەرگىلىكتى تۇرعىندار كوز جۇمدى.
كابۋلداعى ق ر ەلشىلىگى اتالعان جاعدايعا قاجەتتى بارلىق كونسۋلدىق- قۇقىقتىق ىستەردى اتقارىپ جاتىر. ولار قازا تاپقان قازاقستاندىقتىڭ ءمايىتىن تۋعان جەرگە جەتكىزۋ بويىنشا قولداۋ كورسەتۋگە ءازىر.
