ەكسكليۋزيۆ: ونەركاسىپ سالاسىندا قازاقستان مەن ق ح ر- دىڭ ىنتىماقتاستىعىندا ەداۋىر العا جىلجۋ كۇتەمىز - ۆەنحۋا شان
ونىڭ «ۇلى جىبەك جولىنىڭ ەكونوميكالىق بەلدەۋىن» قۇرۋدا ونىڭ ورنى بولەك. ال نۇرسۇلتان نازاربايەۆتىڭ پرەزيدەنت سايلاۋىنداعى جەڭىسى قىتاي ءۇشىن جاعىمدى جاڭالىق بولدى، دەدى «قازاقپارات» ح ا ا تىلشىسىنە بەرگەن سۇحباتىندا «ۇلى جىبەك جولىنىڭ ەكونوميكالىق بەلدەۋى» بىرلەسكەن يننوۆاتسيالىق زەرتتەۋ ورتالىعىنىڭ ۇيلەستىرۋشىسى، شيان كولىك ۋنيۆەرسيتەتى جانىنداعى جىبەك جولىنىڭ سالىستىرمالى قۇقىق جانە حالىقارالىق ينستيتۋتىنىڭ ديرەكتورى، پروفەسسور ۆەنحۋا شان (Wenhua Shan).
«ۇلى جىبەك جولىنىڭ ەكونوميكالىق بەلدەۋى (ۇ ج ج ە ب) بارلىق ەلدەر ءۇشىن پايدالى. ەڭ الدىمەن، ول وسى جولدىڭ بويىندا ورنالاسقان قازاقستان ءۇشىن پايدالى. ءسىزدىڭ ەلدەرىڭىز ورتالىق ازياداعى ءىرى جانە ەكونوميكاسى مىقتى مەملەكەت. «ۇلى جىبەك جولىنىڭ ەكونوميكالىق بەلدەۋىن» قۇرۋدا قازاقستاننىڭ ماڭىزى زور»، - دەدى ول.
«ءبىز الداعى ۋاقىتتا ەكى ەلدىڭ ونەركاسىپ سالاسىندا ءوزارا ىنتىماقتاستىقتىعىندا ايتارلىقتاي ىلگەرىلەۋ بولادى دەپ بولجاپ وتىرمىز»، - دەدى عالىم.
ق ر- نىڭ ۇلى جىبەك جولىن جانداندىرۋداعى ماڭىزى تۋرالى ايتقان ساراپشى «جىبەك جولىنىڭ ەكونوميكالىق بەلدەۋىن» (شيان- ءۇرىمجى- ورتالىق ازيا-تاياۋ شىعىس پەن ەۋروپا) قۇرۋ باستاماسىن العاش رەت 2013-جىلى ق ح ر ءتوراعاسى شي جينپين قازاقستانعا جاساعان مەملەكەتتىك ساپارى بارىسىندا باستاما ەتىپ كوتەرگەن بولاتىن.
ەستەرىڭىزگە سالا كەتەيىك، ۇلى جىبەك جولىنىڭ ەكونوميكالىق بەلدەۋىن زەرتتەۋ بويىنشا بىرلەسكەن يننوۆاتسيالىق ورتالىق 2015-جىلدىڭ 21- قاڭتارىندا شيان قالاسىنىڭ كولىك ۋنيۆەرسيتەتىندە ق ح ر سىرتقى ىستەر مينيسترلىگىنىڭ جانىنداعى قىتاي حالىقارالىق زەرتتەۋلەر ينستيتۋتى، ق ح ر كومەرتسيا مينيسترلىگىنىڭ جانىنداعى حالىقارالىق ساۋدا جانە ەكونوميكالىق ىنتىماقتاستىق ينستيتۋتى، ق ح ر قوعامدىق عىلىمدار اكادەمياسىنىڭ رەسەي، شىعىس ەۋروپا جانە ورتالىق ازيانى زەرتتەۋ ينستيتۋىمەن بىرلەسىپ قۇرىلدى.
