رەسەيلىكتەر زاڭدى نەكەگە تۇرۋ ءۇشىن كەزەككە تۇرۋعا قارسى شىقتى

استانا. قازاقپارات - رەسەيلىك ا ح ا ج بولىمدەرى زاڭدى تۇردە نەكەلەسكىسى كەلەتىندەردىڭ سانى ارتۋىنا بايلانىستى ەندى تاۋلىك بويى نەمەسە 16 ساعاتتىق جۇمىس كەستەسىنە ءوتۋى مۇمكىن، دەپ جازادى ت ا س س.

بۇل ۇسىنىستى ادىلەت مينيسترلىگى جانىنداعى قوعامدىق كەڭەس مۇشەسى ۆلاديسلاۆ گريب ءمالىم ەتتى، دەپ جازعان «ينۆەستيا» گازەتىنىڭ بۇگىنگى بەيسەنبىلىك سانىندا.

«نەكەنى تىركەۋ تەك جۇمىس ۋاقىتىندا عانا تىركەۋ دۇرىس ەمەس. كەزەككە تۇرۋشىلار كوپ، شاعىمدار ءتۇسىپ جاتىر. احاج بولىمدەرىنىڭ جۇمىس ۋاقىتىن ۇزارتۋ كەرەك، ياعني ۇلكەن قالالاردا نەكە سارايلارى ەڭ بولماعاندا تۇنگى ساعات 11-12 گە دەيىن ىستەۋى كەرەك»، - دەگەن ۆ. گريب باسىلىمعا بەرگەن سۇحباتىندا.

قازىرگى كەزدە، قولدانىستاعى زاڭناماعا سايكەس، نەكەنى تىركەۋ ءۇشىن مەملەكەتتىك باج سالىعىنىڭ كولەمى 350 رۋبلدى قۇراپ وتىر، الايدا ونى تۇنگى ۋاقىتتا تىركەۋ ودان قىمباتقا ءتۇسۋى مۇمكىن، سەبەبى ا ح ا ج قىزمەتكەرلەرىنە ۇستەمە اقى تولەۋ كەرەك بولادى، - دەيدى ۆ. گريب.