حالىقارالىق وليمپيادا كوميتەتى ا ق ش قۇراماسىنان وليمپيادا جۇلدەسىن قايتارىپ الدى

استانا. قازاقپارات - حالىقارالىق وليمپيادا كوميتەتى 2012-جىلى 4х100 مەترگە جۇگىرۋ ەستافەتاسىندا كۇمىس مەدالعا يە بولعان ا ق ش- تىڭ ەرلەر كومانداسىنان سايىسقا قاتىسۋشىنىڭ بىرەۋى دوپينگ قولدانعانى ءۇشىن جۇلدەنى قايتارىپ الۋ تۋرالى شەشىم قابىلدادى، دەپ جازادى BBC.

ح و ك ا ق ش- تىڭ وليمپيادا كوميتەتىنە مەدالدى قايتارىپ بەرۋ تۋرالى سۇراۋ جولداعان. حالىقارالىق زاڭعا سايكەس، كوماندانىڭ ءبىر مۇشەسى دوپينگ قولدانعان بولسا، بارلىق كوماندا جۇلدەدەن قاعىلادى.

بۇعان دەيىن حابارلانعانداي، ءۇش دۇركىن الەم چەمپيونى تايسون گەي تىيىم سالىنعان پرەپاراتتى قولدانعانى ءۇشىن ءبىر جىلعا سايىستاردان شەتتەتىلگەن بولاتىن.

ەندى، كۇمىس القا سول كەزدە قولاعا قول جەتكىزگەن ترينيداد جانە توباگو كوماندالارىنا تيەسىلى بولسا، قولا جۇلدە فرانسيا اتلەتتەرىنىڭ ۋىسىنا ءتۇستى.