08:08, 14 - مامىر 2015 | GMT +5
سارىاعاشتاعى كوكپار گيننەستىڭ رەكوردتار كىتابىنا ەنەتىن بولدى - كەسكىن
استانا. قازاقپارات - سارىاعاشتاعى كوكپار گيننەستىڭ رەكوردتار كىتابىنا ەنەتىن بولدى، دەپ جازادى «ەگەمەن قازاقستان» گازەتى.
وڭتۇستىك قازاقستان وبلىسىنىڭ سارىاعاش اۋدانىندا ناۋرىز ايىندا بۇرىن-سوڭدى بولماعان كوكپار تارتىلعانى ەسىمىزدە.
كوكپارعا 12 مىڭعا جۋىق ادام قاتىسقان ەدى. شاباندوزدار سانىنان جەر قايىسقان سول كوكپاردىڭ گيننەس رەكوردتار كىتابىنا ەنەتىنى ءمالىم بولدى.
وپەراتور ءىلياس اۋەلبەكوۆ باسەكەنى ۇشقان قۇستاي بيىكتىككە كوتەرىلگەن كۆادروكوپتەرگە بايلانعان بەينەكامەرا ارقىلى ءتۇسىردى. YouTube پورتالىنان بۇل كوكپاردى قىزىقتاعانداردىڭ سانى 100 مىڭعا جۋىقتادى. «اۋىزدىعىمەن الىسقان سايگۇلىكتەردىڭ ءدۇبىرى ون شاقىرىمنان ەستىلدى»، - دەيدى ءىلياس.
ءىرىلى-ۇساقتى باعالى سىيلىقتاردى قوسپاعاندا، سارىاعاشتىڭ بۇل كوكپارىندا ءتورت سالىمعا - ءتورت جەڭىل اۆتوموبيل تىگىلدى.
