07:30, 14 - مامىر 2015 | GMT +5
استانادا «مۋزەي جانە قوعامنىڭ تۇراقتى دامۋى» اتتى كونفەرەنسيا وتەدى
استانا. قازاقپارات - 14- مامىردا قازاقستان رەسپۋبليكاسى ۇلتتىق مۋزەيىندە حالىقارالىق مۋزەي كۇنىنە وراي «مۋزەي جانە قوعامنىڭ تۇراقتى دامۋى» اتتى كونفەرەنسيا وتەدى.
كونفەرەنتسيانىڭ باستى ماقساتى - مۋزەي قىزمەتىن جانداندىرۋ جانە حالىقتىڭ، اسىرەسە جاستاردىڭ مۋزەيگە دەگەن قىزىعۋشىلىعىن ارتتىرۋ.
كونفەرەنسيا ق ر مادەنيەت جانە سپورت مينيسترلىگىنىڭ، حالىقارالىق مۇراجايلار وداعى ي ك و م قازاقستان ۇلتتىق كوميتەتىنىڭ جانە ق ر ۇلتتىق مۋزەيىنىڭ ۇيىمداستىرىلۋىمەن وتكەلى وتىر. شاراعا 300 گە جۋىق مادەنيەت جانە مۋزەي قىزمەتكەرلەرى قاتىسادى.
باسقوسۋ بارىسىندا «ماڭگىلىك ەل» جالپى قازاقستاندىق يدەيانى قولداۋ جانە قازاق مادەنيەتىنىڭ جاڭا باستامالارى تالقىعا سالىنادى.
سونداي-اق، شارا سوڭىندا ق ر مادەنيەت جانە سپورت مينيسترلىگىنىڭ اتىنان «مادەنيەت سالاسىنىڭ ۇزدىگى» ۆەدومستۆولىق ماراپاتى مەن ماقتاۋ قاعازدارى، ي ك و م قازاقستان تاراپىنان «جىل مۇراجايى» ديپلومى مەن مەدالى سالتاناتتى تۇردە تابىستالادى.
