الماتىدا قوعامدىق كولىككە ارنالعان جولاق پايدا بولادى

استانا. قازاقپارات - الماتىدا قوعامدىق كولىككە ارنالعان جولاق پايدا بولادى، - دەپ حابارلايدى كولەسا. جولاقتى قوعامدىق كولىكتەر ماۋسىم ايىنان باستاپ پايدالانا الادى.

الماتى قالالىق جولاۋشىلار كولىگى باسقارماسىنىڭ باسشىسى تالعات ءابدىراحمانوۆتىڭ ايتۋىنشا، جولاق اباي داڭعىلى بويىمەن دوستىق پەن مومىش ۇلى كوشەلەرىنىڭ اراسىندا ەكى جاق باعىتتا بولادى. جەكە اۆتوموبيلدەرگە بۇل جولاقپەن جۇرۋگە تيىم سالىنادى، ارنايى ماشينالار عانا دابىل جۇيەسىن قوسىپ جۇرە الادى.

«جول پوليتسياسىمەن بىرگە ءبىز اباي كوشەسى بويىنداعى قوزعالىستى ۇيىمداستىردىق. بىزگە ماۋسىم ايىنىڭ ورتاسىنا دەيىن ۋاقىت بەرىلدى، وعان دەيىن ءبىز جۇمىس ىستەيمىز. ال 15- ماۋسىمنان باستاپ جول قوزعالىسى جاڭا رەجيمدە جۇمىس ىستەيتىن بولادى»، - دەدى ءابدىراحمانوۆ.

سونىمەن قاتار، ول دۇكەندەر، بانكتەر مەن باسقا دا عيماراتتاردىڭ ماڭىنان كولىك تۇراعىن سالۋعا ۋادە بەردى.

tengrinews.kz