قىتايداعى قازاقستاندىق ستۋدەنتتەر باتىرحان شۇكەنوۆتى ەسكە الۋ كەسكىنىن ءتۇسىردى
وسى يدەيانىڭ اۆتورلارىنىڭ ءبىرى انەل بازىلوۆانىڭ ايتۋىنشا، ستۋدەنتتەر جوسپار بويىنشا باتىرحان شۇكەنوۆتىڭ ءوز داۋسىن قوسقىسى كەلگەن، سەبەبى ۆيدەودا مارقۇم مەن جاستار بىرىگىپ ءان ايتىپ جاتقانداي بولىپ كورىنۋى كەرەك بولعان.
«باتىردىڭ اناسى مەن تۋىستارى كورسە ەكەن دەپ ەدىك. ءتۇسىرىلىم ءساتى قالاي وتەتىنىنە ۋايمدادىم، ءتۇسىرىلىم كومانداسىن كوپ ۋاقىت بويى ىزدەدىم. ونى رەجيسسەرلىككە وقىپ جاتقان قىتايلىق ستۋدەنتتەر ءتۇسىردى. ولار مەنى تىڭداعاننان كەيىن كومەكتەسۋگە قۋانا كەلىستى. كولدىڭ جاعالاۋىندا ءبىر عانا كۇن تۇسىردىك. رەجيسسەر گو دجەن يدەيانى بىردەن ءتۇسىندى. قازاقستاننىڭ قىتايداعى ستۋدەنتتەرى اسسوتسياتسياسىنىڭ جىگىتتەرى كەلدى، ولارمەن بىرگە وزبەكستان، تاجىكستان، قىرعىزستان، رەسەي ەلدەرىنەن دوستارىمىز كەلدى. ولار دا باتىرمەن قوشتاسۋعا كەلدى. كوزىمىزدەن جاس شىقتى، قىزدار ءان ايتىپ تۇرىپ جىلادى»، - دەدى انەل بازىلوۆا.
ەسكە سالا كەتەيىك، باتىرحان شۇكەنوۆ 53 كە قاراعان جاسىندا ماسكەۋ قالاسىندا جۇرەك تالماسىنان قايتىس بولدى. مۋزىكانتپەن قوشتاسۋ 1- مامىر كۇنى ءبىر كەزدە ورىنداۋشىنىڭ ءوزى شىعارماشىلىق جولىن باستاعان جامبىل اتىنداعى مەملەكەتتىك فيلارمونيا عيماراتىندا ءوتتى. ءدال وسى كۇنى ميتينگىدە الماتى قالاسىنىڭ اكىمى احمەتجان ەسىموۆ ءارتىستىڭ تۋعان كۇنىندە ەسكە الۋ كەشىن وتكىزۋ تۋرالى مالىمدەمە جاسادى.
