مىسىردىڭ بۇرىنعى پرەزيدەنتى حوسني مۇباراك بوستاندىققا شىقتى
حوسني مۇباراك 9- مامىردا شىققان سوت شەشىمىنە قاراماستان قاماۋدان بوساتىلدى. ول كەزدە مىسىردىڭ ەكس-پرەزيدەنتى مەن ونىڭ ەكى ۇلى ءالي مەن گامال جەمقورلىقپەن اينالىسقاندارى ءۇشىن ءۇش جىلعا باس بوستاندىعىنان ايىرىلعان ەدى.
دەگەنمەن، تەرگەۋ امالدارىنىڭ ءۇش جىلعا سوزىلعانى بەلگىلى بولدى. «باس پروكۋراتۋرا ءىستى تەرگەۋ ۋاقىتى ءۇش جىلعا سوزىلعاندىقتان، ول ءوز ايىبىن تولىق وتەگەنىن حابارلادى»، - دەدى جەرگىلىكتى اقپارات قۇرالدارى. بۇرىنعى پرەزيدەنتتىڭ ۇلدارى ءالى دە قاماۋدا وتىر.
تەرگەۋ مالىمەتتەرى بويىنشا، حوسني مۇباراك پەن ونىڭ ۇلدارى مەملەكەت باسشىسىنىڭ سارايىن جوندەۋگە بيۋدجەتتەن بولىنگەن 18 ميلليون دوللاردى زاڭسىز يەمدەنگەن. دەگەنمەن، قارجىنىڭ ەكس-پرەزيدەنت وتباسىنىڭ جەكە ءۇيى مەن كەڭسەلەرىن جوندەۋگە جانە ونىڭ ديزاينىنا جۇمسالعانى بەلگىلى بولدى. جەرگىلىكتى اقپارات قۇرالدارى پروتسەستى «ساراي تۋرالى ءىس» دەپ اتاپ كەتتى. ايتا كەتەيىك، كاسساتسيالىق سوت بۇل ءىس بويىنشا ەكس-پرەزيدەنتتى اقتاپ شىقتى، دەگەنمەن ءىس قايتا قاراۋعا جىبەرىلدى.
