استانادا ءابدىساتتار وسپانوۆتىڭ شىعارماشىلىق كەشى ءوتتى - فوتو

استانا. قازاقپارات - بۇگىن ەلوردا تورىندەگى قازاق ۇلتتىق ونەر ۋنيۆەرسيتەتىندە قازاقستان جازۋشىلار وداعىنىڭ جانە ق ر اۆتورلار قوعامىنىڭ مۇشەسى، تاريحشى- ەتنوگراف، جازۋشى، اقىن، كومپوزيتور، جىراۋلىق- جىرشىلىق ونەرىنىڭ جاناشىرى ءابدىساتتار وسپانوۆتىڭ تۇڭعىش رەت « ءان ۇشىپ، كۇي توگىلدى جۇرەگىمنەن» اتتى شىعارماشىلىق كەشى ءوتتى.

كەشتى ق ر مادەنيەت قايراتكەرى ەلميرا جاڭابەرگەنوۆا جۇرگىزدى.

كەشتە قازۇوۋ ستۋدەنتتەرى اۆتوردىڭ ءار ءتۇرلى جانردا جازىلعان اندەرىن، تەرمەلەرىن جانە كۇيلەرىن ورىنداپ، ولەڭدەرىن مانەرلەپ جاتقا وقىدى.

ءابدىساتتار ءسادۋاقاس ۇلى استانادا ادەبي كەشىنىڭ ءبىرىنشى رەت ءوتىپ جاتقانىن ايتىپ، وسى كەشتىڭ وتۋىنە مۇرىندىق بولعان اتالمىش وقۋ ورنىنىڭ باسشىسى ايمان مۇساقوجايەۆاعا، وسى وقۋ ورنىنىڭ ستۋدەنتتەرىنە العىسىن ءبىلدىردى.

ءابدىساتتار ءسادۋاقاس ۇلى 1941 -جىلى 10 - قازاندا قىزىلوردا وبلىسى، ارال اۋدانى، ۇيالى ەلدى مەكەنىندە دۇنيەگە كەلگەن. الماتى ونەركاسىپ قۇرىلىس ترەسى وندىرىستىك جابدىقتاۋ باسقارماسى جوسپارلاۋ ءبولىمىنىڭ باستىعى قىزمەتىندە ءجۇرىپ، قازاق ۇلتتىق ۋنيۆەسيتەتىنىڭ تاريح فاكۋلتەتىنىڭ كەشكى ءبولىمىن 1979 -جىلى سىرتتاي وقىپ بىتىرگەن. الماتى جوعارى ەكونوميكا مەكتەبىن حالىقارالىق ناسيحاتشى- ەكونوميست ماماندىعى بويىنشا ءتامامداعان. 1955 -جىلدان ولەڭ جازا باستاعان. ء«ومىر نەتكەن ءتاتتى ەدىڭ.. .» كىتابى (2000) مەن «جانقوجا باتىر» ، «حان سىرلىباي» اتتى تاريحي دەرەكتى روماندارى (2002) جارىق كوردى. حالىق ونەرىنىڭ جاناشىرى رەتىندە 1987 -جىلى جاڭاقورعاندا قازاقستاننىڭ حالىق اقىنى م. كوكەنوۆ اتىنداعى، 1996 -جىلى قازالى قالاسىندا نۇرتۋعان اقىن اتىنداعى اقىن- جىرشىلار دايىندايتىن مەكتەپتەر اشادى. ك س ر و حالىقتارى شىعارماشىلىعى Ⅱفەستيۆالىنىڭ لاۋرەاتى.

ول وتكەن جىلى جانقوجا نۇرمۇحامەد ۇلىنىڭ 240 -جىلدىق مەرەيتويىنا ارناپ، باتىردىڭ ءومىرى مەن ەرلىگى جايلى 3 تومدىق «ناركەسكەن» تاريحي- كوركەم تريلوگياسىن جازىپ شىقتى.

 

 اۆتورى: كۇنسۇلتان وتارباي