الەمنىڭ ەڭ ۇزدىك مەكتەپتەرى قاي ەلدە؟

استانا. قازاقپارات - سينگاپۋر مەكتەپتەرى مەن وسى ەلدىڭ مەكتەپتە ءبىلىم بەرۋ جۇيەسى الەمدەگى ەڭ ءتيىمدىسى بولىپ تانىلدى.

ەكونوميكالىق ىنتىماقتاستىق پەن دامۋ ۇيىمى جاساعان ارنايى زەرتتەۋىنىڭ قورىتىندىلارىن سارسەنبى كۇنى Straits Times گازەتى جاريالادى.

ەكىنشى ورىندا - گونكونگ (شياڭگاڭ)، ءۇشىنشى - وڭتۇستىك كورەيا، سودان كەيىن جاپونيا مەن تايۋان ەلدەرى تۇر. وتكىزىلگەن تەستىلەۋ ازياداعى ەلدەردىڭ مەكتەپ وقۋشىلارى ەڭ ۇزدىك ناتيجەلەردى كورسەتىپ وتىرعانىن تانىتتى.

ەۋروپا مەملەكەتتەرىنىڭ ىشىندە ەڭ جوعارى پوزيتسيانى فينليانديا - 6 - ورىن السا، رەسەي ەلى 34- ورىنعا تۇراقتادى.

 ماتەماتيكا جانە جاراتىلىستانۋ بويىنشا تەستتەر 76 مەملەكەتتە وتكىزىلگەن.