12:11, 13 - مامىر 2015 | GMT +5
امەريكالىقتار ازاماتتىعىنان باس تارتۋدا
استانا. قازاقپارات - ا ق ش ازاماتتىعىنان باس تارتقان امەريكالىقتاردىڭ سانى كۇرت ءوستى. جىل باسىنان بەرى ەلىنەن جىراق ءجۇرىپ، ءناپاقا تابۋمەن اينالىسىپ جاتقان 1 مىڭ 300 ادام امەريكالىق ءتولقۇجاتىن اۋىستىرۋعا نيەت بىلدىرگەن.
سەبەبى ولار جىل سايىن دەكلاراتسيا تولتىرىپ، سالىق تولەۋدەن مەزى بولعان كورىنەدى. ايتا كەتەيىك، ا ق ش - شەتەلدە جۇرگەن ازاماتتارىنىڭ تابىسى بەلگىلى ءبىر مەجەدەن اسقان سوڭ، ولارعا سالىق تولەۋ مىندەتتەمەسىن جۇكتەيتىن الەمدەگى جالعىز ەل. يۋدجين چاۋ، كوشى- قون زاڭناماسى جونىندەگى مامان: - ادامدار جاسىنا جاس قوسقان سايىن بەيقام ءومىر سۇرگىسى كەلەدى. ەشكىمنىڭ دە قاعازدان كوز الماي، ەسەپ- قيساپ تولتىرۋمەن اينالىسقىسى كەلمەيدى. سوندىقتان دا ولار ازاماتتىقتان باس تارتقاندى ءجون سانايدى.
