پروزا جانرىندا رەسپۋبليكالىق جابىق بايگە جاريالاندى
بايگەنىڭ ماقساتى: ونەر ولكەسىنە قادام باسقان جاستاردىڭ تىرناقالدى تۋىندىلارىمەن وقىرمانداردى تانىستىرۋ.
بايگەنىڭ شارتتارى: بايگەگە بۇگىنگى قالا مەن اۋىل تىرشىلىگىن سۋرەتتەگەن كوركەم اڭگىمەلەر ۇسىنىلادى. سونىمەن قاتار باقتىعۇل ويشىبايەۆ سىندى شىندىقتى تۋ ەتىپ، السىزدەردى قورعاپ، ادىلەتسىزدىككە قارسى كۇرەسكەن، قانشا قىسىم كورسە دە، العان بەتىنەن قايتپاعان قايسار تۇلعالاردىڭ عۇمىرىن ارقاۋ ەتكەن تۋىندىلار دا قابىلدانادى. كوركەم شىعارمالار بۇرىن ەش جەردە جاريالانباعان بولۋى ءتيىس. كولەمىنە شەك قويىلمايدى.
بايگە جەڭىمپازدارىن ارنايى قۇرىلعان تاۋەلسىز قازىلار القاسى انىقتايدى. جەڭىمپازدارعا بەرىلەتىن بايگە كولەمى:
I ورىن - 300000 ء(ۇش ءجۇز مىڭ) تەڭگە
II ورىن - 200000 (ەكى ءجۇز مىڭ) تەڭگە
III ورىن - 100000 ء(جۇز مىڭ) تەڭگە
جەڭىمپازدارعا باقتىعۇل ويشىبايەۆ اتىنداعى بايگەنىڭ سيمۆولدىق بەلگىسى بىرگە تاپسىرىلادى.
كوركەم شىعارمالاردى تاپسىرۋ مەرزىمى: ادەبي شىعارمالار بايگە جاريالانعان كۇننەن باستاپ 2015 -جىلدىڭ 20 -ماۋسىمىنا دەيىن قابىلدانادى.
بايگەگە جاس ەرەكشەلىگىنە قاراماستان، ەلىمىزدىڭ بارلىق ازاماتى قاتىسا الادى.
قوسىمشا اقپارات الۋ ءۇشىن «جايىق پرەسس» ج ش س- نا (ورال قالاسى، مۇحيت كوشەسى، 57/1) كەلىپ جولىعۋعا نەمەسە 51-25-8711281 تەلەفونىنا حابارلاسۋلارىڭىز سۇرالادى.
ماتەريالداردى zhaikpressaudan@mai.ru ەلەكتروندى پوشتاسىنا نەمەسە Facebook الەۋمەتتىك جەلىسىنىڭ «ب. ويشىبايەۆ. جۋرناليستەر بايقاۋى» پاراقشاسىنا جولداۋعا بولادى.
بايگە قورىتىندىسى 2015 -جىلعى 28 - ماۋسىمدا باسپاءسوز قىزمەتكەرلەرى كۇنى جاريالانىپ، جەڭىمپازداردىڭ جۇلدەلەرىن جازۋشى باقتىعۇل ويشىبايەۆتىڭ ۇرپاقتارى تابىس ەتەدى.
massaget.kz
