شوتلاندىقتار جاساعان كيىز ءۇيدى قازاقستان شەبەرلەرى سىنعا الدى - فوتو

استانا. قازاقپارات - شوتلانديا ەلىنىڭ ديزاينەرلەرى تۋريستەرگە ارنالعان كيىز ءۇيدىڭ زاماناۋي نۇسقاسىن جاسادى. قازاقستاندىق شەبەرلەر بولسا، بۇل جاڭالىقتى سىنعا الدى،

دەپ جازادى «ەكسپرەسس- ك».

 «Jero» كيىز ءۇيىن جاساپ شىعارۋشىلار ونى جەڭىل قۇرىپ، بولشەكتەپ جيناپ الىپ قانا قويماي، تاسىمالداۋعا دا وڭاي ەكەنىن ايتادى: ولار ويلاپ تاپقان كيىز ءۇيدىڭ بولىكتەرى اۋىر ەمەس. كيىز ءۇيدىڭ اۋدانى 12,5 شارشى مەتردى قۇرايدى.

«وسىنداي كيىز ءۇيدى ءىس جۇزىندە پايدالانباي، ناتيجە تۋرالى ايتۋ قيىن. ءبىراق، مەنىڭ ويىمشا، شوتلاندتىقتار دوڭگەلەكسىز ۆەلوسيپەد جاساعانداي بولدى. ءيا، كيىزدىڭ ورنىنا فانەرا مەن برەزەنتتى قولدانۋعا بولادى، ءبىراق مۇنداي كيىز ءۇي «تىنىس المايدى» . جانە تەك فانەرادان جاسالعان قابىرعالار ءبىزدىڭ تور تەسىك كەرەگەلەرىمىزگە قاراعاندا اۋىر. ءبىراق شوتلانديادا وسىنداي بۇيىمدارعا دەگەن سۇرانىس تۋىنداسا، ءبىز ءۇشىن ويلاناتىن جايت ەكەن»، - دەيدى كوپ جىل بويى ءداستۇرلى كيىز ۇيلەردى شىعارۋمەن اينالىساتىن وتاندىق كاسىپكەر ۇلان ءسادۋاقاسوۆ.

شەبەردىڭ پىكىرىنشە، قازاقستاندا تۋريزمگە ارنالعان شاعىن كيىز ۇيلەردىڭ ءوندىرىسىن رەتكە كەلتىرۋگە بولادى. بۇدان باسقا، ول تۋريزمدە بىلدەي «كيىز ءۇي» ءوندىرىسى بار، ءبىراق ول ءبىزدىڭ ەلىمىزدە وتە باياۋ دامىپ كەلەدى.

بۇل شاعىن پاتەردىڭ جوباسىن Trakke جانە Uula Jero جاساپ، قۇرالسىز قۇرعان. وسىنداي كيىز ءۇيدىڭ باعاسى -  4500 فۋنت ستەرلينگ.