مەرۋەرت تۇسىپبايەۆا سىرعاسىن سىيعا تارتتى - فوتو
دەپ جازادى baistars.kz.
«بۇل جوبانىڭ جەتەكشىسى - مايرا ءىلياسوۆا. بايقاۋعا كوپتەگەن ونەرلى بالالار قاتىسىپ، ىرىكتەۋ كەزەڭى ۇزاققا سوزىلدى. ءار ءتۇرلى اۋدانداردان كەلگەن ونەرپازداردىڭ بارلىعى دا كەرەمەت.
مايرا اپاي، قازىلار القاسىنىڭ ءاربىر مۇشەسىنە، وزدەرىنە ۇناعان قاتىسۋشىعا جەكە سىيلىق تابىستاۋدى تاپسىردى. ءوزىم گاسترولدەرمەن ءجۇرىپ، بۇل جايلى ۇمىتىپ كەتىپپىن. قازىلار قۇرامىندا بولعان ارىپتەستەرىم بوتا بەيسەنوۆا، ەركىن شۇكىمانوۆتار ۋادە بويىنشا اكەلگەن سىيلىقتارىن تابىستاپ جاتقاندا، سىيلىق الماعانىم ەسىمە ءتۇسىپ ىڭعايسىز جاعدايعا تاپ بولدىم»، - دەيدى ءانشى.
الايدا، مەرۋەرت حانىم تىعىرىقتان بىلايشا جول تاۋىپتى.
«سايىستا وزىمە ۇناعان ءبىر قىز بار ەدى. سوعان سىيلىق بەرەمىن دەپ ويلاپ قويعانمىن. سول قىزعا ەش ويلانباستان قۇلاعىمداعى التىن سىرعامدى شەشىپ بەرىپ، اق تىلەگىمدى جەتكىزدىم. حالىق تا اڭ- تاڭ بولىپ، بارلىعى شاپالاقتاي باستادى»، - دەپ بالا ونەرپازدىڭ كەۋدەسىن كەرنەگەن قۋانىشتى بىزبەن ءبولىستى.
مەرۋەرتتەن التىن سىرعا سىيعا العان ءىنجۋ باقىتكەلدى قىزى 1- سىنىپ وقۋشىسى. ءان مەن ءبيدى سەرىك ەتكەن ونەرلى ورەن ءشامشىنىڭ «باقىت قۇشاعىندا» ءانىن ورىنداعان.
