09:06, 13 - مامىر 2015 | GMT +6
ەل باسشىسىنىڭ سۋرەتىنە ءتىل تيگىزگەن ايەل ءبىر جىلعا سوتتالدى
استانا. قازاقپارات - تايلاند سوتى 65 جاستاعى اقىل- ەسى كەم ايەلدى مونارحيا مەن كورولدىڭ سۋرەتىنە ءتىل تيگىزدى دەپ ايىپتاپ، ءبىر جىلعا باس بوستاندىعىنان ايىردى.
وقيعا 2012 - جىلدىڭ شىلدە ايىندا بانگكوك قالاسىندا بولعان. العاشىندا ايەل دەنساۋلىعىنا بايلانىستى شارتتى مەرزىمگە سوتتالعان بولاتىن، الايدا اپپەلياتسيالىق شاعىمنان كەيىن شارتتى مەرزىمدى ناقتى مەرزىمگە اۋىستىردى.
«سوتتالۋشىنىڭ بۇل قىلىعى دۇرىس ەمەس. ونىڭ بۇل ارەكەتىن باسقالارى قايتالاماۋى ءتيىس»، - دەدى سۋديا سوت پروتسەسى بارىسىندا.
ايتا كەتەيىك، تايلاندتا مونارحياعا ءتىل تيگىزۋ زاڭمەن جازالانادى، دەپ جازادى شەتەلدىك ب ا ق.
