مايلى تاعام ەستە ساقتاۋ قابىلەتىن تومەندەتەدى

 استانا. قازاقپارات - يللينويس ۋنيۆەرسيتەتىنىڭ ماماندارى مايلى تاعامدار بالالاردىڭ مي جۇمىسىنىڭ جىلدامدىعىن باياۋلاتادى دەگەن پىكىر ايتتى.

تاجىريبەگە عالىمدار 7-10 جاس ارالىعىنداعى 150 بالانى قاتىستىردى. ولار بالالاردى توپقا ءبولىپ، ەستە ساقتاۋ قابىلەتىن، زەيىنىن باعالايتىن ويىن تۇرلەرىن ۇسىندى.

زەرتتەۋ بارىسىندا بەلگىلى بولعانداي، حولەستەرينى كوپ، مايلى تاعام جەگەن توپ مۇشەلەرى ۇزاق ويلانىپ، تەز شەشىم قابىلداي المادى. مامانداردىڭ پىكىرىنە سۇيەنسەك، مايلى تاعامدارمەن ءجيى تاماقتانۋ ەستە ساقتاۋ قابىلەتىنىڭ ناشارلاۋىنا الىپ كەلەدى، سونداي- اق ءبىر مەزەتتە بىرنەشە اقپاراتتى ميدا ساقتاۋ قابىلەتىن تومەندەتەدى، دەپ جازادى شەتەلدىك ب ا ق.