قازاقستان قۇراماسىنىڭ فۋتبولدان بۋركينا- فاسومەن جولداستىق كەزدەسۋى تەڭ اياقتالدى
ماتچ باستالاردا، بۋركينا- فاسو كومانداسىنىڭ قۇرامى جاريالانعاندا- اق، ويىندا ايتا قالارلىقتاي جاڭالىق بولمايتىنى بەلگىلى بولدى، قازاقستاندا ولاردىڭ ويىنشىلارىن ەشكىم دە بىلمەيتىن بولىپ شىقتى.
قازاقستان قۇراماسىندا دا وقشاۋ جاعداي كۇتىلگەن جوق. باۋىرجان يسلامحاننىڭ بولمايتىنى الدىن الا بەلگىلى بولدى. قاقپاعا قاراي العاشقى سوققىنى افريكا فۋتبولشىلار جاسادى. بانۋ دياۆارا الىستان دوپتى قاقپاعا سالۋدى كوزدەدى، ءبىراق تا دوپ قاقپا ۇستىنەن ءوتىپ كەتتى.
الاڭ يەسى ۇلان قونىسبايەۆتىڭ قاقپاسى ماڭىنان قاتتى سوققىمەن جاۋاپ قاتتى، ازات نۇرعاليەۆ دوپقا ءسال جەتە الماي قالدى. بۋركينولىقتاردىڭ قورعاۋشىلارىنىڭ قاتەلىگى تاڭات نوسەربايەۆتىڭ قاۋىپتى سوققىسىمەن اياقتالدى. دياۆارا تاعى دا قاقپاعا قاۋىپ تۋعىزدى. سايدۋ سيمپورە 40 مەترلىك قاشىقتىقتان دوپ سوقتى، ءبىراق دىتتەگەن جەرىنە جەتكىزە المادى. تايمنىڭ سوڭىنا قاراي افريكاندىقتار ايىپ دوبىن سوققانمەن قونىسبايەۆ باسىمەن ۇرىپ، دوپتى ماقساتىنان تايدىرىپ جىبەردى.
تايمنىڭ ەكىنشى بولىگىندە دە ايتا قالارلىقتاي ويىن ورنەگى بولمادى. كوماندالار ويىنشىلارعا وزگەرىس ەنگىزگەنىمەن، ەسەپ اشىلمادى.
12 - ماۋسىمدا قازاقستان قۇراماسى ەۋروپا چەمپيوناتى - 2016 ىرىكتەۋ كەزەڭى اۋقىمىندا الماتىدا تۇركيا ويىنشىلارىمەن كەزدەسەدى.
