05:21, 13 - مامىر 2015 | GMT +5
ا ق ش بيلىگى اعىلشىن- گوللانديالىق كومپانياعا اركتيكادا مۇناي وندىرۋگە رۇقسات بەردى
استانا. قازاقپارات - ا ق ش بيلىگى اعىلشىن- گوللانديالىق Shell كومپانياسىنا اركتيكادا بۇرعىلاۋ جۇمىستارىن جۇرگىزۋگە رۇقساتىن بەردى، دەپ حابارلادى بي-بي-سي.
ەندى بيىلعى جازدا كومپانيا سولتۇستىك مۇزدى مۇحيتتاعى بۇرعىلاۋ جۇمىستارىن باستاي الادى.
الايدا، امەريكانىڭ ەكولوگتارى اق ءۇي شەشىمىنە نارازىلىق تانىتىپ، مۇناي- گاز ءوندىرۋدىڭ اركتيكادا وراسان زور ەكولوگيالىق زارداپتار بولاتىنىن ەسكەرتتى.
2012 - جىلدىڭ جازىندا Shell كومپانياسى اركتيكا قايراڭىندا بۇرعىلاۋ جۇمىستارىن جۇرگىزۋگە رۇقسات العان بولاتىن، ءبىراق سول كەزدە بۇرعىلاۋ قوندىرعىلارى تۇرىپ قالۋىنا بايلانىستى جۇمىس جۇرگىزىلمەگەن. ءبىر جىلدان كەيىن كومپانيا جاڭا رۇقسات الۋ ءۇشىن اۋەلى قاۋىپسىزدىك سالاسىنداعى جۇمىستى قامتاماسىز ەتۋگە باعىتتالعان بارلىق پروبلەمانى جويۋدى قولعا العان.
