قوستاناي وبلىسى اكىمىنىڭ ورىنباسارى ەۆگەني امان قىزمەتىنەن كەتتى

 قوستاناي. قازاقپارات - قوستاناي وبلىسى اكىمىنىڭ ورىنباسارى ەۆگەني امان زەينەتكەرلىك جاسقا تولۋىنا بايلانىستى قىزمەتىنەن كەتتى.

بۇل تۋرالى بۇگىن قوستاناي وبلىستىق اكىمدىگىندە بولعان كەڭەس كەزىندە بەلگىلى بولدى.

 ە. اماندى تۋعان كۇنىمەن قۇتتىقتاعان قوستاناي وبلىسىنىڭ اكىمى نۇرالى ءسادۋاقاسوۆ وعان ادال ەڭبەگى ءۇشىن العىسىن ءبىلدىرىپ، ونىڭ قوستانايلىقتاردىڭ العىسىنا يە بولعانىن اتاپ ءوتتى.

ە. اماننىڭ ورنىنا، وبلىس اكىمىنىڭ ورىنباسارى قىزمەتىنە كىم كەلەتىنى ازىرگە بەلگىسىز. ە. امان بەلسەندى ەڭبەك جولىن ءارى قاراي جالعاستىراتىنىن جانە قازىرگى كەزدە جۇمىسقا تۇرۋ تۋرالى بىردەن ءتورت ۇسىنىستى قاراستىرىپ وتىرعانىن ايتتى.